Merkuri kosmik gəmisi “BepiColombo” bu günə qədər planetə ən yaxın keçidini həyata keçirib və yeni görüntülər əldə edib. Avropa Kosmik Agentliyi və Yaponiya Aerokosmik Tədqiqatlar Agentliyinin vasitəsi olan “BepiColombo”, 2018-ci ildə orbitə buraxıldıqdan sonra 4-cü dəfə Merkurinin yaxınlığından keçib.Planetdən təqribən 165 kilometr uzaqlıqdan keçən vasitə, NASA-nın “MESSENGER”indən Merkuriyə ən yaxın kosmik gəmi adını alıb.
2011-ci ildə Merkurinin orbitinə çıxan “MESSENGER” planetə təxminən 200 kilometr yaxınlaşıb. Kosmik gəminin missiyası 2015-ci ildə planetə çırpılması ilə başa çatdı.
Sentyabrın 4-də uçuşu zamanı vasitə planetin cənub qütbünün, eləcə də səthdəki kraterlərin ən aydın görüntüsünü çəkib.
Günəş sisteminin ən az tanınan planeti olan Merkurinin tədqiqi ulduza yaxın olması səbəbindən çətinliklər yaradır.
Kosmik gəmilər Günəşə doğru uçduqca sürətləndiyi üçün, “BepiColombo” Merkuri, Venera və Yerə yaxınlaşdıqca yavaşlayır.
“BepiColombo” komandasından Dr. David Rothery deyir ki, son uçuş “mükəmməl” olub və əldə olunan görüntülər əlavə zövqdür.
Fotolara Vivaldi və yeni müəyyən edilmiş Stoddart zərbə kraterləri daxildir. Hər iki kraterin düz yerdəki təpələrdən ibarət təpə halqası hövzələri adlanan daxili halqaları var.
Onların bir asteroid və ya kometa vurması nəticəsində əmələ gəldiyi düşünülsə də, onlar əsasən sirr olaraq qalır.
Bu hövzələrin kraterləri yaradan faktiki zərbədən sonra lava ilə dolduğu da təxmin edilir. Buna görə də, onlar Merkurinin keçmişi və bəlkə də davam edən vulkanik fəaliyyətləri haqqında məlumat verirlər.
Rothery, “Bunlar heyranedici strukturlardır, lakin Merkurinin təpə halqası hövzələrinin necə əmələ gəldiyi hələ də sirr olaraq qalır”, – deyib.
Zirvə halqalarının toqquşma zamanı bir növ rebound prosesi ilə əmələ gəldiyi təxmin edilir, lakin onların haradan qalxdığı hələ də bəlli deyil. “BepiColombo”nun, yeni kameraları Merkurinin orbitinə daxil olduqdan sonra işə düşəcəyi üçün daha yüksək ayırdetmə ilə rəngli fotoşəkillər təqdim edəcək.
Orbitə 2025-ci ilin sonlarında çıxması planlaşdırılan gəmidə yaranan problem səbəbindən bu, uçuş bir il təxirə salındı.
Dekabr və yanvar aylarında planetin yaxınlığından keçməsi planlaşdırılan vasitə təxminən iki il ərzində Günəş ətrafında fırlanacaq. Nəhayət, 2026-cı ilin noyabrında Merkurinin orbitinə çıxacağı və planetin sirlərini işıqlandıracağı gözlənilir.
çap et