Gündəlik epilepsiya dərmanı milyonlarla xəstənin xoruldama əlamətlərini azalda bilər. Obstruktiv yuxu apnesi, tənəffüsün dayanıb yenidən başladığı bir xəstəlikdir, İngiltərədə təxminən 1,5 milyon yetkin insan bundan əziyyət çəkir. Yuxu zamanı yüksək xoruldama, nəfəs darlığı və boğulma səslərinə səbəb olur.Bu pozğunluq yüksək qan təzyiqi, diabet, ürək xəstəliyi və insult kimi ciddi sağlamlıq problemlərinə səbəb ola bilər.
Avropa Tənəffüs Cəmiyyətinin konqresində təqdim edilən yeni araşdırma epilepsiya dərmanı sultiamın tənəffüs xəstəliklərinin simptomlarının azalmasına səbəb olduğunu göstərir.
Obstruktiv yuxu apnesinin bir çox daha ağır halları davamlı müsbət hava yolu təzyiqi (CPAP) aparatının istifadəsini tələb edir ki, bu da gecə boyu üzdə maska taxmağı nəzərdə tutur.
Araşdırmanı təqdim edən İsveçin Göteborq Universitetinin professoru Jan Hedner bu müalicənin “uzun müddətdə istifadəsinin çətin ola biləcəyini” bildirir.
“Biz həmçinin klinisyenlərə daha fərdi müalicələrdən istifadə etmələrinə kömək etmək üçün obstruktiv yuxu apnesinin altında yatan mexanizmləri daha yaxşı başa düşməliyik”, – deyə Hedner bildirib.
Mütəxəssislər hesab edirlər ki, sultiam dərmanı CPAP-a alternativ müalicə ola bilər. Avropanın 28 müxtəlif mərkəzindən 298 nəfərin iştirak etdiyi sınaq müsbət nəticə verdi.
Sınaqdakı bütün xəstələr CPAP maşınlarından istifadə etməkdə çətinlik çəkdilər və onlardan istifadə etmədilər.
Xəstələr 4 qrupa bölündü; 74 nəfər hər gün 100 mq sultiam, 74 nəfər 200 mq, 75 nəfər 300 mq, 75 nəfər isə plasebo qəbul edib.
12 həftə ərzində xəstələrin nəfəs almaları, qanda oksigen səviyyəsi, ürək ritmləri, göz hərəkətləri və gecə yuxusunda beyin fəaliyyətləri yoxlanılıb.
Sulthiame qəbul edənlərin qanında oksigen səviyyəsi daha yüksək idi və yuxu zamanı tənəffüsdə daha az fasilə var idi.
“Bu, sultiamın obstruktiv yuxu apnesinə qarşı xüsusən də mövcud mexaniki müalicələrdən istifadə edə bilməyənlər üçün təsirli bir müalicə ola biləcəyini göstərir,”, – Hedner deyib.
“Sulthiame” uşaqlıq epilepsiyasının müalicəsi üçün artıq mövcud olsa da, obstruktiv yuxu apnesi olan xəstələrin daha böyük bir qrupunda bu dərmanın faydalı tənəffüs təsirlərini təsdiqləmək üçün hələ də üçüncü faza araşdırması aparmalıyıq.
Tədqiqatda iştirak etməyən Krit Universitetinin professoru Sofi Şiz nəticələri “ümid verici” adlandırıb.
Tədqiqat hələ də elmi tibb jurnalında nəzərdən keçirilməyib və dərc olunmayıb.
çap et