Avstraliya hökuməti sosial media platformalarında dezinformasiyanın qarşısını almaq üçün hazırladığı yeni qanun layihəsini açıqlayıb.“SBS News”un məlumatına görə, qanun layihəsi federal hökumət rəsmilərinə dezinformasiyanın qarşısını almaq üçün sosial media şirkətlərinə “təzyiq” etməyə imkan verir.
Sosial media şirkətlərinin “saxta xəbərlərin yayılmasına icazə verdikləri” səbəbiylə yoxlanılmasını təmin edəcək qanun layihəsi ilə şirkətlərə yüksək cərimələr tətbiq edə biləcək.
Digər tərəfdən, qanun layihəsi Avstraliya Rabitə və Media İdarəsinə (ACMA) sosial platformalardan öz qeydlərini saxlamağı və təhvil verməyi xahiş etmək səlahiyyəti verəcək.
Avstraliyanın rabitə naziri Mişel Rouland ölkə əhalisinin 75 faizinin dezinformasiyanın təsirindən narahat olduğunu bildirib.
Rəqəmsal platformalarda yanlış məlumat ötürülməsinin çox sürətlə inkişaf edə biləcəyinə diqqət çəkən Rouland, bunun Avstraliya xalqına çox mənfi təsirlər etdiyini vurğulayıb.
Rouland qeyd edib ki, ACMA-ya rəqəmsal platforma sistemlərinin və proseslərinin effektivliyini nəzərdən keçirmək səlahiyyətləri verəcək qanun layihəsi, platformaların avstraliyalılara xidmətlərini dezinformasiyadan qorumaq üçün gördüyü tədbirlərlə bağlı şəffaflığı artıracaq.
Rouland həmçinin bildirib ki, rəqəmsal platformalar pozuntu halında qlobal dövriyyəsinin 5 faizinə qədər cərimələrə məruz qala bilər.
çap et