Braziliyalı hakim “X” platforması ilə davam edən gərginlikdən sonra və İlon Maskın digər şirkəti “Starlink”in üç milyon avrosunu müsadirə edib.
Cənubi Afrika əsilli amerikalı milyarder Elon Mask ilə braziliyalı hakim arasında davam edən gərginlikdən sonra səlahiyyətlilər əvvəllər qoyulmuş cərimələri toplamaq üçün Maskın şirkət hesablarından pul çıxarıblar.
Braziliya Ali Məhkəməsinin hakimi Alexandre de Moraes sentyabrın 13-də milyarder İlon Maskın sosial media platforması “X” və peyk əsaslı internet provayderi “Starlink”in bank hesablarından təxminən 2,9 milyon avronu (təxminən 5.5 milyon manat) müsadirə edib.
Müsadirə “X” sosial şəbəkəsinin ölkəyə ödəməli olduğu cərimənin tutulması məqsədi ilə edilib. Digər tərəfdən, hüquqşünaslar Moraesin “X” platforması ilə əlaqəli işlər üçün “Starlink”in bank hesabını dondurmaq qərarını şübhə altına alırlar.
Mask həm “X” sosial şəbəkəsi, həm də “Starlink”i idarə edən kosmik şirkət “SpaceX”ə sahib olsa da, iki şirkət ayrı-ayrı hüquqi şəxslərdir.
Məhkəmənin sentyabrın 13-də verdiyi açıqlamada Moraesin “X”in bank hesabından 7,2 milyon Braziliya realı (təxminən 2.2 milyon manat), Starlink hesabından isə 11 milyon Braziliya realı (3,3 milyon manatdan çox) köçürməyə qərar verdiyi açıqlanıb.
Mask Braziliyada “X” platforması üçün yeni qanuni nümayəndə təyin etməkdən imtina etdikdən sonra ölkədə sosial media platforması ilə bağlı müzakirələr alovlanıb və Moraes platformaya girişi əngəlləmək qərarına gəldi. Bu hərəkət Mask və Hakim Moraes arasında ifadə azadlığı, ifrat sağçı hesablar və dezinformasiya ilə bağlı aylardır davam edən mübahisəni daha da gücləndirib.
Mask isə Moraesin həbs etmək və təzyiq göstərmək üçün ölkədə təmsilçi istədiyini tələb edib.
Keçən ildən “X” platforması bəzi istifadəçiləri – əsasən də Braziliya demokratiyasına xələl gətirməkdə günahlandırılan ifrat sağçı fəalları bloklamaq istəmədiyi üçün de Moraes ilə mübahisə edir. Mask hakimi Braziliyadakı şirkətlərə təsir edən qərarlarına görə diktator və avtokrat kimi təsvir edib.
Avqustun 31-də “X” sosial şəbəkəsinin ölkə daxilində girişi məhdudlaşdırıldıqdan sonra Moraes, virtual özəl şəbəkədən (VPN) istifadə edərək platformaya daxil olanların 8,000 avro (15 min manat) cərimələnməsinə qərar verib. Beləliklə, Braziliyanın “X” istifadəçiləri daha çox “Threads” və “Bluesky” sosial şəbəkəsində aktivləşiblər.
çap et