Fransada parlamenti Fransa prezidenti Emmanuel Makronun impiçmenti ilə bağlı qanun layihəsinin komissiya tərəfindən araşdırılacağını qəbul edib. Keçirilən səsvermədə 10 “xeyr”ə qarşı 12 “hə” səsi verilib.Parlament Bürosu müxalifətin Makronun impiçment proseduruna başlamasını nəzərdə tutan qanun layihəsini qiymətləndirib. Solların çoxluq təşkil etdiyi Parlament Bürosunda keçirilən səsvermədə qanun layihəsinin Qanunlar Komissiyasında araşdırılacağı qəbul edilib.
Qanun layihəsi bu komissiyadan keçsə, Parlamentin Baş Assambleyasında müzakirəyə çıxarılacaq. Bu təklif deputatların 2/3-nin təsdiqini alarsa, Senata göndəriləcək. Əgər senatorların üçdə ikisi Makronun impiçmenti haqqında qanun layihəsini qəbul edərsə, parlamentin hər iki palatasının iştirakı ilə yekun səsvermə keçirilməlidir.
Yekun səsvermədə parlament üzvlərinin 2/3-ü təklifin lehinə səs verərsə, Makronun istefaya göndərilməsi ilə bağlı qanun layihəsi qəbul edilmiş sayılacaq.
Sosialist Partiyası (PS) qanun layihəsinin Parlamentin Baş Assambleyasında müzakirəyə çıxarılacağı təqdirdə Emmanuel Makronun vəzifədən azad edilməsinin əleyhinə səs verəcəklərini bəyan edib.
Təklifi təqdim edən ifrat solçu “Boyun əyməyən Fransa” (LFI) partiyası parlamentdə çoxluğa malik olmadığı üçün Makronun vəzifədən azad edilməsi prosedurunun yekunlaşacağı ehtimalı zəif hesab olunur.
Digər tərəfdən, sağ mərkəzçi Respublikaçılar (LR) partiyasının çoxluğa sahib olduğu Senatda qanun layihəsini qəbul etmək çətin hesab olunur.
Fransada 30 iyun və 7 iyul tarixlərində keçirilən ümumi seçkilərdə solçu Yeni Xalq Cəbhəsi (NFP) ən çox deputata sahib olub və heç bir partiya və ya ittifaq 289 millət vəkilinin mütləq əksəriyyətinə çata bilməyib. Emmanuel Makron seçkilərdə qalib gələn solçu alyansın ümumi vahid namizədinin baş nazir təyin etməkdən imtina edib və sentyabrın 5-də sağ mərkəzçi Mişel Barnieri baş nazir seçib.
Fransada yeni qanunvericilik ilinin oktyabrın 1-də başlaması gözlənilsə də, Barnierin bu həftə yeni hökuməti formalaşdıracağı gözlənilir.
Müxalifətin ifrat solçu partiyası LFI oktyabrın 1-də hökumətə qarşı etimadsızlıq təklifi təqdim edəcəklərini açıqlayıb. LFI Fransa prezidenti Makronun istefasını tələb edən imzatoplama kampaniyasını dəstəkləyib və avqustun 31-də bu tələbi özündə əks etdirən qanun layihəsini parlamentə təqdim edib.
çap et