Birləşmiş Millətlər Təşkilatının (BMT) baş katibi Quterreş mətbuat konfransında jurnalistlərin suallarını cavablandırıb.“Beynəlxalq ictimaiyyət Qəzza üçün kifayət qədər səy göstərmir”, deyən Quterreş beynəlxalq ictimaiyyəti müharibəni mümkün qədər tez bitirmək üçün daha çox təzyiq göstərməyə çağırıb.
BMT-nin baş katibi vurğulayıb ki, beynəlxalq ictimaiyyət də hesabatlılığa ciddi sadiqlik nümayiş etdirməlidir.
***
3-cü Dünya müharibəsinin astanasında olub-olmadığımızı soruşduqda Quterreş, “Əlbəttə, 3-cü Dünya Müharibəsinin qarşısını ala bilərik”, – deyib.
Mübahisə və qarşıdurmalarda böyük artım olduğunu bildirən Quterreş, əsl cəzasızlıq vəziyyətinin müharibənin qapıda olduğu hissini tətiklədiyini söyləyib.
Quterreş vurğulayıb ki, ölkələr, ordular və silahlıların cəzalandırılmadan istədiklərini edə biləcəklərini düşünmələri problemlidir.
***
BMT Təhlükəsizlik Şurasının islahatı ilə bağlı sualları cavablandıran Quterreş bu kontekstdə atılacaq ilk addımın “Gələcək Zirvəsi”ndə imzalanmasını istədiyi “Gələcək Paktı” olduğunu bildirib.
Quterreş, “Veto hüququnu bəyəndiyimi düşünürsünüzsə, yanılırsınız. Ancaq veto hüququnun aradan qaldırıla biləcəyini düşündüm desəm yalan olar”, – deyib
BMT Təhlükəsizlik Şurasında daimi üzvlərin sayının artırılması ilə bağlı razılaşmanın olduğunu deyən Quterreş BMT Baş Assambleyasının gücünün inkişafını da dəstəklədiyini bildirib. Quterreş bütün bu sahələrdə tərəqqiyə ümid etdiyini bildirib.
çap et