Rusiyanın iki strateji bombardmançı təyyarəsi ABŞ-ın Alyaska ştatı yaxınlığında uçub. Rusiya uçuşların beynəlxalq qaydalara uyğun həyata keçirildiyini bəyan edib.
Bildirilib ki, Rusiyanın iki “Tu-95ms” strateji bombardmançı təyyarəsi ABŞ-ın Alyaska ştatının qərb sahili yaxınlığında Berinq dənizinin neytral suları üzərində planlaşdırılmış uçuşu başa vurub.
Rusiya Müdafiə Nazirliyindən verilən açıqlamada iki “Tu-95ms” strateji bombardmançısının Alyaskanın qərb sahili yaxınlığında 11 saatdan çox planlı uçuş həyata keçirdiyi qeyd edilib.
Açıqlamada təyyarələri “Su-35” və “Su-30SM” döyüş təyyarələrinin müşayiət etdiyi bildirilib və bütün uçuşların hava məkanından istifadə ilə bağlı beynəlxalq qaydalara uyğun həyata keçirildiyi vurğulanıb.
çap et