İsrailin cənubundakı Eylat şəhərinə pilotsuz uçuş aparatı PUA hücumu həyata keçirilib. Hücum nəticəsində 2 nəfər yaralanıb.İsrail ordusu sözçüsü tərəfindən verilən açıqlamaya görə, Eylat şəhərinin şərqindən gələn iki PUA-nın təsbit edilməsindən sonra şəhərdə sirenlərin səsləndiyi bildirilib.
Açıqlamada, İsrail Hərbi Dəniz Qüvvələrinə məxsus Saar korvetindən şəhərə doğru hərəkət edən PUA-lardan birinin müdaxilə edildiyi, digərinin isə şəhərdəki bir nöqtəni vurduğu qeyd edilib.
İsrailin təcili yardım xidməti “Magen David Adom” tərəfindən edilən açıqlamada PUA-nın hücumu nəticəsində 2 nəfərin yüngül yaralandığı və təcili tibbi yardım işçilərinin yaralıları xəstəxanaya göndərmədən hadisə yerində müalicə etdiyi bildirilib.
çap et