Avropa Birliyi (AB) Şurasının sədri Şarl Mişel Nyu-Yorkda BMT Təhlükəsizlik Şurasının yüksək səviyyəli iştirakı ilə keçirilən “Sülh naminə liderlik” sessiyasında çıxış edib.BMT Təhlükəsizlik Şurasında daimi yerləri olan ölkələrin qlobal sülhün qorunmasında məsuliyyət daşıdığını bildirən Mişel, "Bu pəncərələrin xaricində baş verənlərə görə hamımız məsuliyyət daşıyırıq. Amma bəziləri digərlərindən daha məsuliyyətlidir. Təhlükəsizlik Şurasında daimi yer imtiyaz deyil, məsuliyyətdir. Dünya sülhünün keşiyində yalnız 5 ölkə var. Bu həmin ölkələrə verilən ağır bir məsuliyyətdir”, – deyib.
Daimi üzvlərin bəzilərinin öz öhdəliklərini yerinə yetirmədiklərini ifadə edən Mişel, “1945-ci ildə dünya nəyin bahasına olursa olsun sülh istəyirdi. Qlobal sülhü təmin etmək müqabilində veto hüququnuzu qəbul etdik”, – deyib.
5 ölkəyə daimi veto hüququ verən BMT-nin təsis müqaviləsinin hazırda təzyiq altında olduğunu söyləyən Mişel sözlərini belə davam etdirdi: “Kiyevə düşən hər bomba, Qəzzada dağıdılan ev, Sudanda dağıdılan hər bir kənd, bu faciələrin hər biri insanlığımıza qarşı növbəti hücumdur. Bu cinayətlər cəzasız qalanda bu cinayətlər normallaşır, dünyanın işinə, qanuna çevrilir. Cinayətlər cəzasız qalanda qurbanlar inamını itirir, hamımız inamımızı itiririk”.
BMT TŞ-nin daha əhatəli, qanuni və təsirli olması üçün islahatlara ehtiyacı olduğunu bildirən Mişel, “Birlikdə fərq yarada bilərik. Birlikdə tarixin gedişatını yenidən dəyişə bilərik. Ancaq bunun üçün cəsarət və liderlik lazımdır. Hamısı bu şuranın daimi üzvləri öz tarixi vəzifələrini qəbul etməlidirlər. Onların bunu etmələrinin vaxtı çatıb”, – deyib.
çap et