Almaniya Xarici İşlər Nazirliyi dünən DPA xəbər agentliyinin sualına cavab olaraq, İranın Almaniyanın Hamburq, Münhen və Frankfurt şəhərlərindəki üç baş konsulluğunun bazar ertəsindən etibarən rəsmi olaraq ictimaiyyətə bağlandığını elan edib.
İranda ikili Almaniya-İran vətəndaşı Cəmşid Şarmehdin edam edilməsinə cavab olaraq İran konsulluqları bağlanıb. İranın Berlindəki səfirliyi fəaliyyətini davam etdirir və Almaniyada yaşayan təxminən 300 min iranlıya xidməti göstərir.
İranın məhkəmə orqanları Şarmehdin oktyabrın 28-də edam edildiyini açıqlayıb. İran məhkəməsi 2023-cü ilin yazında Şarmehdi terrorizmlə əlaqəli cinayətlərə görə edam cəzasına məhkum etmişdi. Almaniya hökuməti, Şarmehdinin ailə üzvləri və insan haqları müdafiəçiləri bunu şiddətlə tənqid etdilər.
çap et