“Ukraynadakı münaqişələr qlobal xarakter alıb”

Putin: “Silahlarından istifadə etməyə icazə verən ölkələrə qarşı cavab hüququmuz var”

Putin dövlət televiziya kanalındakı çıxışında Rusiya ordusuna, vətəndaşlarına, dünyadakı dost ölkələrə və Rusiyanın strateji məğlubiyyətinin mümkünlüyü ilə bağlı illüziyaya qapılanlara baş verən hadisələr barədə məlumat vermək istədiyini bildirib. Qərbin Ukraynada təhrik etdiyi münaqişəni gərginləşdirməyə davam etdiyinə diqqət çəkən Putin, ABŞ və onun NATO müttəfiqlərinin daha əvvəl Rusiya ərazisində uzaqmənzilli dəqiq silah sistemlərinin istifadəsinə icazə verdiklərini bəyanını xatırladıb.

Bu silahları istehsal edən ölkələrin hərbi ekspertlərinin bilavasitə iştirakı olmadan belə silahlardan istifadənin qeyri-mümkün olduğunu əsas gətirən Putin sözlərinə görə, Ukrayna ordusunun noyabrın 19-da ABŞ istehsalı olan 6 ədəd “ATACMS”, iki sonra isə Britaniya istehsalı olan “Storm Shadow” və ABŞ istehsalı olan “HIMARS” ilə Rusiyanın Bryansk və Kursk vilayətlərində raket hücumu həyata keçirib.

O andan etibarən Ukraynada Qərbin təhrik etdiyi regional münaqişənin qlobal miqyas qazandığını bildirən Putin, Rusiya hava hücumundan müdafiə sistemlərinin hücumları dəf etdiyini və Ukraynanın açıq şəkildə vurmağa çalışdığı hədəflərə çata bilmədiyini bildirib.

Bu cür silahlardan istifadənin “xüsusi hərbi əməliyyat” zonasında münaqişələrin gedişinə təsir edə bilməyəcəyini vurğulayan Putin bəyan edib ki, rus qoşunları bütün döyüş xətti boyunca uğurla irəliləməkdə davam edir.

Noyabrın 21-də ABŞ və İngiltərənin uzaqmənzilli silahlarının istifadəsinə cavab olaraq Rusiya ordusunun Ukraynanın hərbi və sənaye kompleksi obyektlərindən birinə hücum təşkil etdiyinə dair məlumatı paylaşan Rusiya lideri Putin, “Rusiyanın ən yeni vasitələrindən biri – mənzilli raket sistemləri, döyüş şəraitində, qeyri-nüvə hipersəs avadanlıqları ilə təchiz edilmiş ballistik raketlə sınaqdan keçirilib. Mütəxəssislərimiz onu “Oreşnik” adlandırıb. Bu silah hələ Sovet İttifaqı zamanı sınaqdan keçib və bu gün həmin raket texnologiyası və digər silahlar istehsal edilir. Rusiya prezidenti “Dnepropetrovsk şəhərində SSRİ dğvründən bəri məlum olan ən böyük sənaye komplekslərindən biri vurulub”, – deyib.

ABŞ-ın Avropa və Asiya-Sakit Okean regionunda orta və qısa mənzilli raketlər yerləşdirmək planlarına cavab olaraq orta və qısa mənzilli raketlər hazırladıqlarını vurğulayan Putin, ABŞ-ın 2019-cu ildə Ortamənzilli Nüvə Silahı Qüvvələri Müqaviləsindən (INF) birtərəfli qaydada çıxmaqla səhv etdiyini bildirib.

Bu gün ABŞ-ın nəinki belə raketlər istehsal etdiyini, həm də təlimlər zamanı onları dünyanın müxtəlif bölgələrinə, o cümlədən Avropaya ötürdüyünü qeyd edən Putin, Rusiyanın bu silahları dünyanın heç bir yerində yerləşdirməmək öhdəliyini könüllü olaraq davam etdirəcəyini bildirib.

NATO ölkələrinin Rusiyaya qarşı aqressiv hərəkətlərinə cavab olaraq “Oreşnik” raket sistemini müharibə şəraitində sınaqdan keçirdiklərini təkrarlayan Putin, “Orta və yaxın mənzilli raketlərin daha çox yerləşdirilməsi məsələsinə hərəkətlərdən asılı olaraq tərəfimizdən qərar veriləcək. ABŞ-ın və onun peyklərinin Rusiya Federasiyasının təhlükəsizliyinə təhdidlərə cavab olaraq, ən yeni raket sistemlərimizin növbəti sınaqları zamanı vurulacaq hədəfləri müəyyənləşdirəcəyik. Silahlarımızı ona qarşı istifadə etmək hüququmuz olduğuna inanırıq. Silahlarını bizim obyektlərə qarşı istifadəsinə icazə verən ölkələrin hərbi obyektlərinə təcavüzkar hərəkətlərin artması halında da eyni qətiyyətlə və eyni şəkildə cavab verəcəyik. Putin “Rusiyaya qarşı hərbi birləşmələrindən istifadə etməyi planlaşdıran ölkələrin hakim elitalarına bunu ciddi düşünməyi məsləhət görürəm”, – deyib.

Putin sözlərini belə davam etdirib: “Təbii ki, lazım gələrsə və cavab tədbiri olaraq Ukrayna ərazisində “Oreşnik” kimi sistemlərlə məhvetmə hədəflərini seçərkən biz orada olan mülki şəxslərdən, eləcə də dost dövlətlərin vətəndaşlarından əvvəlcədən təhlükəli əraziləri tərk etmələrini xahiş edəcəyik. Biz bunu humanitar səbəblərlə, açıq şəkildə, bu məlumatı alan düşmənin müqavimətindən qorxmadan edəcəyik”.

Hazırda bu cür silahlara qarşı heç bir müdafiə vasitəsi olmadığına diqqət çəkən Putin, sözügedən raketlərin saniyədə 2,5-3 kilometr olan 10 Mach sürətlə hədəflərinə çatdığını vurğulayıb.

Putin, “Dünyada mövcud olan müasir hava hücumundan müdafiə sistemləri və amerikalıların Avropada qurduğu raketdən müdafiə sistemləri belə raketlərin qarşısını almağı bacarmır və bundan söhbət gedə bilməz. Beynəlxalq təhlükəsizliyi çökdürən Rusiya deyil, ABŞ olduğunu bir daha vurğulamaq istəyirəm. Bir daha vurğulamaq istərdim ki, biz həmişə bütün mübahisəli məsələləri sülh yolu ilə həll etməyə üstünlük vermişik və indi də hazırıq, amma bunun əksinə də hazırıq. Hələ də kimsə buna şübhə edirsə, bu əbəsdir. Cavab hər zaman olacaq”, – deyib.