“The Wall Street Journal” qəzeti yazıb ki, ABŞ prezidenti Donald Tramp administrasiyası Konqres liderlərindən İsrailə təxminən bir milyard dollar dəyərində bomba və digər hərbi texnikanın göndərilməsinə razılıq vermələrini istəyib.
Mənbələrə istinadən hazırlanan hesabatda planlaşdırılan silah satışına dəyəri 700 milyon dollardan çox olan 4700-1000 funtluq (2000-450 kq) bombalar və “Caterpillar” istehsalı 300 milyon dollardan çox zirehli buldozerin daxil olduğu bildirilir.
“WSJ”nin hesabatına görə, milyardlarla dollar olduğu təxmin edilən yeni silah tələblərinin məbləği ABŞ-ın İsrailə verdiyi illik hərbi yardım hesabına qarşılanacaq.
Bu, İsrailin baş naziri Benyamin Netanyahunun Trampla görüşməsi və Qəzza və Livanda atəşkəs razılaşmalarını müzakirə etmək üçün Vaşinqtona səfəri zamanı baş verəcək.
Qəzet xəbər verir ki, keçmiş prezident Co Bayden administrasiyasının yanvar ayında Ağ Evi tərk etməzdən əvvəl Konqres liderlərini xəbərdar etdiyi bombalar, raketlər və artilleriya mərmiləri də daxil olmaqla, ümumi dəyəri 8 milyard dollardan çox olan digər silah müqavilələri ilə bağlı Netanyahu və digər İsrail rəsmilərinin Trampa təzyiq göstərəcəkləri gözlənilir.
çap et