Dünyanın ən zəngin adamı İlon Mask siyasətə qarışmaqla daim gündəmdə olduğu halda, onun 76 yaşlı anası podiuma qalxmaqla dünya mətbuatının gündəmi olub.
Mey Mask Nyu-York Moda Həftəsi çərçivəsində Çinin “Juzui” brendinin “The Glasshouse”da keçirilən moda nümayişinə qatılıb. Verilişi bağlayan təcrübəli model kömür paltarının üstünə ağ xəz gödəkçə geyinməsilə diqqət çəkib.
Brendin baş dizayneri və uzun müddət əməkdaşlıq edən Taoray Vanq şoudan sonra “USA Today”ə, "Mən Maye bir insan və qadın olaraq həqiqətən heyranam və hörmət edirəm. O, məni ilhamlandırdı. İnanıram ki, o, təkcə mənim üçün deyil, Çindəki bir çox müştərilərim üçün böyük ilham mənbəyi olub”, – deyib.
Son illərdə Maye Mask “Dolce & Gabbana”, “Christian Siriano” və “Philipp Plein” kimi bir çox marka üçün modellik edib.
74 yaşında “Sports Illustrated” jurnalı üçün çimərlik geyimində poza verən ən yaşlı qadın kimi tarix yazsa da, Marta Stüart daha sonra 81 yaşında onun rekordunu qırdı.
Oğlu bir çox mübahisələrə səbəb olsa da, Maye Mask ümumiyyətlə siyasətə qarışmamağa üstünlük verir.
Kanadada doğulan və Cənubi Afrikada böyüyən ana, 2024-cü ilin oktyabrında “X”dəki paylaşımında, İlon Maskın qeyri-qanuni mühacirlərin bir dəfədən çox səs verərək seçkiləri korlaya bilməsi ilə bağlı narahatlıqlarını dəstəklədiyini bildirmişdi.
1970-ci ildə 3 övladının atası Errol Maskla evlənən məşhur dietoloq 9 ildən sonra boşanıb. O, evli olduğu müddətdə zorakılığa məruz qaldığını və ailəsi ilə görüşə icazə verilmədiyini iddia edib.
Mey Maskın 53 yaşlı İlondan başqa Kimbal (52) adlı oğlu və Toska (50) adlı bir qızı da var.
Onun 2019-cu ildə nəşr olunan “Bir qadın plan qurur” adlı avtobioqrafik kitabı da türk dilinə tərcümə edilib.
çap et