ABŞ prezidenti Donald Tramp və ABŞ müdafiə naziri Pit Heqsetin Ukrayna ilə bağlı açıqlamalarından sonra Avropa ölkələri birgə bəyanat yayıb.Böyük Britaniya, Almaniya, Fransa, İspaniya, İtaliya və Polşanın imzaladığı bəyannamədə Ukraynanın ərazi bütövlüyü vurğulanıb və Kiyevə açıq dəstək ifadə olunub.
Bəyanatda ədalətli və davamlı sülh əldə olunana qədər Ukraynanın dəstəklənməyə davam ediləcəyi və ABŞ-la bu məsələni müzakirə etməyə hazır olduğu bildirilib.
Bəyannamədə həmçinin vurğulanıb ki, Ukrayna sülh danışıqlarından əvvəl güclü mövqedə olmalıdır və sülh danışıqlarında Avropa və Ukraynanın da iştirak etməsi zəruridir.
Bəyannamənin sonunda Avropa qitəsinin təhlükəsizliyinin ümumi məsuliyyət olduğu və kollektiv müdafiə imkanlarının birlikdə inkişaf etdiriləcəyi vurğulanıb.
çap et