Britaniya Xarici İşlər Nazirliyindən verilən açıqlamada Rusiya prezidentinə təzyiqləri davam etdirmək üçün Vladimir Putinə yaxın 4 şəxsə və Rusiyanın nüvə enerjisi nəhəngi “Rosatom” ilə əlaqəsi olan iki təşkilata qarşı sanksiya tətbiq edib. Bildirilib ki, “Rosatom”a bağlı iki şirkət Rusiyanın Ukraynadakı döyüş meydanında hərbi fəaliyyətinə dəstək verib.Sanksiyaya məruz qalanların aktivlərinin dondurulduğu və səyahət qadağalarının qoyulduğu bildirilib.
Sanksiyaya məruz qalan şəxslər Rusiya hökumətinin Federal Texniki və İxrac Nəzarəti Xidmətinin rəhbəri Vladimir Viktoroviç Selin, Rusiya Müdafiə nazirinin müavini Pavel Mixayloviç Fradkov və Rusiya Təhlükəsizlik Şurasının üzvü, Rusiyanın mədən sektorunda fəaliyyət göstərən PNK-Ural şirkətinin sahibi Yuri Yakovleviç Çaykanın oğlu, iş adamı Artem Yuryeviç Çaykadır.
Bildirilib ki, 2022-ci ilin martında Yuri Yakovleviç Çaykaya qarşı tətbiq edilən hazırkı sanksiyaya yenilik edilib.
***
Bildirilib ki, sanksiyaya məruz qalan iki təşkilat müdafiə sektorunda fəaliyyət göstərən və Rusiyanın hərbi fəaliyyətlərini dəstəkləyən dövlət nüvə enerjisi şirkəti “Rosatom”un törəmə şirkətləri olan “Kirov Enerqomaş” zavodu və “Rosatom Additive Technologies”dir.
Bildirilib ki, hər iki qurum Rusiyanın enerji və müdafiə sektorlarında fəaliyyət göstərir.
***
Böyük Britaniyanın xarici işlər naziri Deyvid Lammi sanksiyalarla bağlı açıqlamasında deyib: "Putin üzərində təzyiqi saxlamaq üçün əlavə sanksiyalar elan edirəm. Ukraynalılar öz ölkələrinin gələcəyi və bütün Avropada suverenlik prinsipi uğrunda cəbhə xəttində mübarizə aparırlar. Rusiya müxalifətinin lideri Aleksey Navalnının ölümündən təxminən bir il sonra Yuliya Navalnaya ilə görüşməkdən və Putinin siyasi müxalifətini sıxışdırmaqla qlobal miqyasda Kremlin korrupsioner sövdələşmələrinə xələl gətirmək öhdəliyimizi ifadə etməkdən şərəf duyuram. Biz dostlarımızı və müttəfiqlərimizi Rusiyanın davamlı təcavüzünə qarşı əlavə tədbirlər görməyə çağırırıq”, – Lammi deyib.
Böyük Britaniyanın xarici işlər naziri Lammi keçən həftə Kiyevə səfər edib və Ukrayna ilə Böyük Britaniya arasında əsrlik tərəfdaşlığın davam etdirilməsinin vacibliyini vurğulayıb.
çap et