Avstraliya hökuməti xarici qurumların ölkədəki mövcud evləri iki il müddətinə almasına qadağa qoyacağını açıqlayıb.
Mənzil naziri Kler O`Nil (Claire O`Neill) bu gün “Sky News”a açıqlamasında qadağanı “əhəmiyyətli bir addım” olaraq xarakterizə edərək, “Bu gün biz Avstraliyadakı mövcud əmlakın xarici sahibliyini qadağan edəcəyimizi elan edirik”, – dedi.
“Bu, mənzil böhranı üçün sehrli dəyənək deyil, çünki o yoxdur. Lakin, bu gün avstraliyalıların üzləşdiyi mənzil problemlərini nəzərə alaraq, mən qəti şəkildə inanıram ki, Avstraliya hökumətinin səyləri ölkə əhalisinin mənzillə təmin etməyə və mümkün olduqda, gənc avstraliyalıların daha çox hissəsi üçün ev sahibliyini asanlaşdırmağa yönəldilməlidir”.
Qadağa aprelin 1-dən qüvvəyə minəcək və xarici şirkətlərə və müvəqqəti sakinlərə Avstraliyada mövcud yaşayış binalarını almağı qadağan edəcək.
O`Nil, əcnəbilərin 2022-2023 ilində təxminən 1800 ev aldığını söyləyib: “Biz iki il ərzində avstraliyalılar üçün ev sahibi olmaq üçün bu rəqəmdən iki dəfə azad edəcəyik”
“Sydney Morning Herald”dan xəbərinə görə, 20 və ya daha çox evdən ibarət layihələr qadağadan azad ediləcək.
Avstraliya Vergilər İdarəsi 2022-ci ilin iyulundan 2023-cü ilin iyun ayına qədər ümumi dəyəri 4,9 milyard Avstraliya dolları (3,1 milyard ABŞ dolları) olan 5,360 əmlakın alındığını, onlardan 1,823-ü mövcud evlər olduğunu bildirdi.
çap et