“Delta Air Lines” aviaşirkətinə məxsus sərnişin təyyarəsi Kanadanın Toronto Pearson Beynəlxalq Hava Limanına enməyə cəhd edərkən qəzaya uğrayıb. Tərs çevrildiyi bildirilən təyyarə üçün xilasetmə qrupları hərəkətə keçib. Qəzada sərnişinlərdən ölən olmasa da, 15 nəfər yaralanıb.Təyyarənin ABŞ-ın Minnesota ştatının Minneapolis şəhərindən yola düşdüyü bildirilib.
İlkin məlumata görə, qəza nəticəsində yaralanan sərnişinlərdən üçünün vəziyyəti ağırdır. Xəsarət alanlar arasında körpə də var.
Təyyarədə olan 80 sərnişinin hamısı təxliyə edilib.
çap et