İsrail mediasının məlumatına görə, atəşkəs razılaşmasının şərtlərinə uyğun olaraq, İsrail “HƏMAS” terror təşkilatının beş girovun cəsədini təhvil verməsini gözləyir.“The Times of Israel” yazıb ki, razılaşma atəşkəsin 33-cü günü, cümə axşamı (fevralın 20-si) bəzi girovların cəsədlərinin İsrailə qaytarılmasını nəzərdə tutur.
Qəzet qeyd edib ki, beş nəfər əsir saxlanılarkən öldürülüb.
İsrailin Kan telekanalı ordunun cənazələri qəbul etmək üçün hazırlıqlara başladığını bildirib. Məlumata görə, cəsədlər səhər saatlarında İsrailə təhvil veriləcək və onlar ordunun təcili yardım maşınları ilə Əbu Kəbirdəki Ədli Tibb İnstitutuna aparılacaq.
Cəsədlərin şəxsiyyəti müəyyən edildikdən sonra həlak olanların ailələrinə məlumat veriləcək. Baş nazir Benyamin Netanyahunun ofisindən bu məsələ ilə bağlı hələlik heç bir təsdiq yoxdur.
çap et