İsrailin müdafiə naziri Yisrael Katz bu gün təsdiqləyib ki, İsrail qüvvələri Livanın cənubundakı “beş strateji nöqtədə” qalacaq. “Agence France-Presse” (AFP) xəbər verir ki, Katz “Hizbullah” atəşkəsi pozarsa, onu sərt cavabla hədələyib.Katz verdiyi açıqlamada, “İsrail ordusu bu gündən etibarən Livanda beş nəzarət məntəqəsi ilə bufer zonada qalacaq. “Hizbullah” tərəfindən atəşkəsin hər hansı pozulmasına qarşı qətiyyətlə və barışmaz fəaliyyət göstərməyə davam edəcəyik”, – deyib.
Livanın Milli Xəbər Agentliyinin (NNA) verdiyi məlumata görə, İsrail qüvvələri Yarun, Marun ər-Ras, Blida, Mays əl-Cəbəl, Hula, Markaba, əl-Adise, Kafr Kila və əl-Vazzanidən geri çəkilərək, “böyük yaşayış məntəqələri” ilə üzbəüz beş sərhəd nöqtəsində qalıb.
NNA xəbər verir ki, Livan ordusu İsrail qüvvələrinin geri çəkildiyi şəhərlərə yerləşdirilib və torpaq təpələrini çıxarmağa və əsas yolları partlamamış hərbi sursat və mərmilərdən təmizləməyə başlayıb.
“Hizbullah” terror təşkilatı atəşkəs razılaşmasının şərtlərinə əsasən bu gün Livanın bütün cənubundan çəkilməli olan İsrail əvvəlcə planlaşdırılan müddəti təxirə salıb.
Noyabrda əldə edilmiş atəşkəs şərtlərinə əsasən, İsrail qüvvələrinə “Hizbullah” ilə bir ildən çox döyüşdən sonra Livanın cənubundan geri çəkilmək üçün 60 gün vaxt verilib.
çap et