Kolumbiya prezidenti Qustavo Petro narkotik kartellərinin ona sui-qəsd hazırladığını iddia edib.
Paytaxt Boqotadakı General Fransisko de Paula Santander Hərbi Akademiyasında danışan Petro, ölkənin əsas mafiyalarına qarşı mübarizə apardıqları üçün hədəf alındıqlarını bildirib.
“Narkokartellər mənə sui-qəsd etməyi planlaşdırır. Təyyarəmə raket atmaq istəyirlər. Narkotik tacirlərinin alıb haradasa gizlətdiyi iki raket var. Onların kim olduğunu bilirik və buna görə də tədbir görməliyik”, – Petro deyib.
Keçən il özünün də sui-qəsdə məruz qaldığını deyən Petro, “Kolumbiyadakı böyük mafiyalara qarşı olduğumuzu bildikləri üçün məni tez devirmək istəyirlər. Bu qorxulu ola bilər, bəli, təbii ki, qorxudur”, – deyib.
Prezident Petro sui-qəsd iddiaları ilə bağlı hər hansı təfərrüat açıqlamayıb.
Petro, 2022-ci il prezident seçkiləri kampaniyası zamanı verdiyi açıqlamada, “La Cordillera” adlı cinayətkar dəstənin ona sui-qəsd planlaşdırdığını bildirdi.
çap et