Almaniyanın xarici işlər naziri Annalena Birbok ABŞ və Rusiya arasında Ukrayna ilə bağlı danışıqlarda Avropa ölkələrinin iştirak etməməsini tənqid edərək, Avropada davamlı sülhün yalnız Avropa ilə əldə oluna biləcəyini bildirib.Birbok verdiyi yazılı açıqlamada Avropanın təhlükəsizliyi və sülhü üçün mühüm bir yol ayrıcında olduqlarına diqqət çəkərək, Ukraynada indi qalıcı sülhün əldə edilməsinin vacib olduğunu vurğulayıb.
Nazir Rusiyaya yeni müharibəyə hazırlaşmaq üçün yalnız nəfəslik verəcək bir “saxta sülh”ün Ukrayna, Avropa və ya ABŞ-a fayda verməyəcəyini bildirərək, xüsusilə Atlantikanın o biri tərəfindən gələn müxtəlif səslərə baxmayaraq, Ukrayna məsələsi ilə bağlı danışıqlardan narahat olmamaları və bu mövzuda sakitliyin qorunub saxlanması lazım olduğunu qeyd etdi.
Birbok xəbərdarlıq edib ki, Avropanın rolunu aşağılamaq Rusiyanın işinə yarayacaq: “Avropada sonuncu sülh ancaq Avropa ilə əldə edilə bilər”.
Birbok bildirib ki, buna görə də ABŞ administrasiyasına qarşı özünə inamlı münasibət nümayiş etdirilməlidir.
Ukraynanın qüdrətini artırmaq üçün səylərini davam etdirdiklərini bildirən Birbok, Ukraynada və son nəticədə Avropada sülhün güc mövqeyindən danışıqlar yolu ilə əldə edilə biləcəyini söylədi.
Birbok Avropa Birliyinin (AB) Rusiyaya qarşı 16-cı sanksiyalar paketi ilə bağlı razılaşmasını alqışlayıb.
Ukraynaya hərbi dəstək verməkdə avropalılar kimi birlikdə irəliləyəcəklərini ifadə edən nazir, AB-nin artilleriya silahları, hava hücumundan müdafiə sistemləri və pilotsuz uçuş aparatları üçün milyardlarla avro dəyərində böyük bir paket hazırladığı məlumatını paylaşıb.
“Amma biz AB olaraq bununla kifayətlənməməliyik. Biz həmçinin ikitərəfli əsasda Ukraynaya yardımımızı artıracağıq və istəsək də, istəməsək də bunun üçün büdcəyə düzəlişlər etməliyik”, – deyə Birbok bildirib.
çap et