ABŞ-da apellyasiya məhkəməsi prezident Donald Trampın ölkədə doğulan uşaqların vətəndaşlıq almasını qadağan edən fərmanın bərpası tələbini rədd edib.“NBC News”un məlumatına görə, ABŞ Ədliyyə Nazirliyi Trampın sərəncamının bərpası üçün apellyasiya məhkəməsinə müraciət edib.
Doqquzuncu Dairə Apellyasiya Məhkəməsinin üç hakimi departamentin Trampın ölkədə doğulan uşaqların vətəndaşlıq almasına mane olan sərəncamını bərpa etmək tələbini rədd edib.
***
Tramp andiçmə mərasimi olduğu gün – yanvarın 20-də ölkədə doğulan uşaqlara avtomatik vətəndaşlıq verilməsini nəzərdə tutan qaydanı ləğv edən sərəncam imzalayıb.
Demokratik ştatın on səkkiz baş prokuroru icra sərəncamına qarşı iddia qaldırıb.
Yanvarın 23-də Sittl Dairə Hakimi Trampın doğum hüququ ilə vətəndaşlığı əngəlləyən sərəncamını müvəqqəti olaraq dayandırıb və sənədin konstitusiyaya zidd olduğunu bildirib.
Merilend ştatının hakimi fevralın 6-da Trampın vətəndaşlıq fərmanına qarşı ümummilli qərar çıxarıb.
Hər il ABŞ-da təxminən 150.000 uşaq ölkə sərhədləri daxilində doğulduğu üçün Birləşmiş Ştatların vətəndaşı olur.
çap et