İsrail ordusu ötən gecə Livan-Suriya sərhədində “Hizbullah” terror təşkilatının Livana silah gətirmək üçün istifadə etdiyi keçid məntəqələrinə hücum etdiyini açıqlayıb.Hərbçilər terror təşkilatının fəaliyyətinin İsrail və Livan arasında atəşkəsin açıq şəkildə pozulması olduğunu bildirib və əlavə edib ki, Tel-Əviv hər hansı bir təhlükəni aradan qaldırmaq üçün fəaliyyətini davam etdirir və “Hizbullah”ın terrorçularının yenidən formalaşmaq cəhdlərinin qarşısını almağa çalışacaq.
İsrail təyyarələrinin Suriya və Livan arasındakı sərhəd bölgəsinə hücumlar təşkil edərək, Vadi Xaliddən və Homsun qərb çölündən iki ölkə arasında qanunsuz keçidləri hədəfə aldığı bildirilir. Məlumata görə, İsrail Bəşər Əsəd rejiminin süqutundan sonra Suriyadakı hərbi obyektlərə yüzlərlə hücum təşkil edərək, bütün döyüş təyyarələri donanmasını, radarları, silah anbarlarını və limanlardakı dəniz gəmilərini məhv edib.
çap et