1960-ci il, BMT-nin Baş Qərargahı, Nyu-York. Sovet İttifaqı KP-nin Baş katibi Nikita Xruşşovun BMT Baş Assambleyasında çıxışı ərəfəsində ukraynalı mühacirlər etiraz aksiyası keçirirlər...
Bu gün "Qərb və Amerika Ukraynanı tələyə saldı, aldatdı" demək doğru yanaşma deyil, məncə. Ukraynalılar tarix boyu azadlıq uğrunda, torpaqlarının bütünlüyü uğrunda irili-xırdalı savaşlar vermiş, qan tökmüşlər. Tarixləri də çox qədimdir. Slavyan tarixinə, mədəniyyətinə böyük töhfələr vermiş bir xalqdır.
“Ukraynanı Lenin yaratdı” fikri isə cəfəngiyatdır. 9-cu əsrdə yaranmış “Kiev Rusu” (Киевская Русь, Древнерусское госуда́рство və ya Дрeвняя Русь) dövlətini açıq-aşkar inkar etməkdir.
İndiki yaranmış vəziyyətdə günahkar axtarmaq yerinə Ukrayna tarixinə qısaca nəzər yetirmək kafidir ki, onların bu addımı bilərək atdığını anlayaq. Məncə, azadlıq istəmək, ona can atmaq ülvi bir hisdir, müqəddəsdir. Və Ukrayna o dadı, o təsviredilməz ləzzəti ehtiraslı bir şəkildə arzu edirdi.
Müxtəlif versiyalar söyləyə bilərsiniz, çeşidli ssenarilər irəli sürə bilərsiniz – onlara etiraz etməyəcəm. Ancaq milli hisslərin şahlanmasına heç bir vəchlə ağız büzmək, onların Vətən sevgisi ilə alay etmək zənnimcə, bizə yaraşmaz.
Və nəhayət, bütün dünyaya Rusiya televiziya kanallarının dar ekranından baxaraq ehkam kəsmək isə xüsusilə yolverilməz, qəbul edilməzdir.
Gəlin, unutmayaq.
Unutmayaq ki, 1918-də Cümhuriyyətimizi ilk tanıyan ölkələrdən biri Ukraynadır.
Unutmayaq ki, 44 günlük müharibədə bizi açıq-aşkar dəstəkləyən az sayda ölkələrdən biri idi Ukrayna.
Ukraynanın alın yazısıdır bu.
Və Ukrayna xalqı mütləq şərə qalib gələcək!
***
Donald Trampın yeni reytinqləri gəldi. Amerikalıların 44 faizi onun fəaliyyətindən razıdır, 51 faizi isə yox. Onun iqtisadi sahədə etdiklərini isə yalnız 39 faiz bəyənir.
Putinin “dostunun” reytinqi nəsə çox tez düşdü. Tanıyanlar bilirlər ki, Tramp indi tez-tələsik günahkar axtaracaq.
“Günah keçisi” üçün ən yaxşı namizəd ehtimal ki, İlon Mask olacaq. Həm vəzifəsi də formaldır, bu vəzifə üçün Konqresin təsdiqinə də ehtiyac yoxdur. Görünür, Maks həqiqətən də Trampın yaxın ətrafını bezdirib, Ağ Evin çalışanları onu sevmirlər...
Tramp əvvəlki prezidentlik dönəmində səlahiyyət müddətinin 2/3-nü qolf olmağa sərf eləmişdi. Deyəsən, bu dəfə də belə olacaq…
Böyük Britaniyadan IBIF-in araşdırmasına görə isə ukraynalıların 63% faizi Vladimir Zelenskinin fəaliyyətini bəyənir…
44 faizli rus sevdalısı 63 faizli rusların düşməninə “Səni Ukrayna xalqının 4 faizi dəstəkləyir” deyərək yalan danışır…
çap et
