İngiltərə baş naziri Keir Starmer dünən axşam saatlarında təşkil etdiyi mətbuat konfransında Ukrayna və ABŞ ilə bağlı mühüm açıqlamalar verərək, həftə sonu bir çox ölkənin iştirakı ilə toplantı keçiriləcəyini açıqlayıb. Polşanın baş naziri Donald Tusk da Londonda Avropanın müdafiəsi ilə bağlı toplantının keçiriləcəyi xəbərini təsdiqləyib.Mətbuat konfransının əvvəlində Rusiya-Ukrayna müharibəsinə toxunan Starmer, “Rus tanklarının yenidən Avropa şəhərlərinə girəcəyini desəydilər, buna inanmazdım. Amma indi hər şeyin dəyişdiyi bir dünyadayıq”, – deyib.
Rus gəmilərinin Böyük Britaniya sahillərində üzdüyünə də diqqət çəkən Starmer, Rusiyanın Ukraynada dayanmadığını və onlar üçün də təhlükə yaratdığını ifadə edərək, “Sülh üçün mübarizə aparmalıyıq”, – deyib.
Avropalı əsgərlərin Ukraynaya göndərilib-göndərilməyəcəyi ilə bağlı müzakirələr davam edərkən, Starmer də mövzu ilə bağlı açıqlama verib. Starmer deyib ki, ABŞ zəmanət versə, Ukraynaya qoşun yeridə bilər.
Starmer Böyük Britaniyanın müdafiə büdcəsinin ümumi milli məhsulun 2,5 faizə qədər artırılacağını açıqlamışdı.
çap et