ABŞ dövlət katibi Marko Rubio dünən İraqın baş naziri Məhəmməd Şia əl-Sudani ilə görüşüb. Görüşdə İranın bölgədəki təsiri, İraqın enerji müstəqilliyinə ehtiyacı və ABŞ-ın kommersiya investisiyaları kimi mövzuların müzakirə edildiyi bildirilir.Dövlət Departamentinin sözçüsü Tammi Bryus bu barədə verdiyi açıqlamada, “Tərəflər İraqın enerji müstəqilliyinə nail olması, İraq-Türkiyə boru kəmərinin tez bir zamanda istifadəyə verilməsi və İraqda fəaliyyət göstərən ABŞ şirkətlərindən əlavə investisiyaların cəlb edilməsi üçün razılaşmanın şərtlərinin yerinə yetirilməsi ilə bağlı razılığa gəliblər”, – deyib.
Sözçü həmçinin bildirib ki, ölkədə İranın təsirinin azaldılması və İŞİD-in qayıdışı və regionda sabitliyin pozulmasının qarşısını almaq üçün səylərin davam etdirilməsi müzakirə olunub.
çap et