Kanadanın müxalif Yeni Demokratiya Partiyasının (NDP) lideri Caqmit Sinq ABŞ prezidenti Donald Trampı “Böyük yeddilik” (“G7”) sammitində iştirakına qadağa qoymağa çağırıb.
“Demokratiya, suverenlik və qlobal sabitliyə təhdidlər” olduğunu əsas gətirən Sinq Trampın “G7” Sammitinə buraxılmamasını tələb edib: "Bizim demokratiya və suverenliyimizi təhdid edən birini niyə dəvət edək?”
ABŞ prezidentinin hərəkətləri və siyasətinin beynəlxalq təşkilatlara ziyan vurduğunu qeyd edən Sinq, “G7” Zirvəsinin Trampın dünyanı təhdid etməsinə qarşı çıxmaq üçün müttəfiqlərlə fürsət olduğunu bildirib.
ABŞ prezidenti Tramp fevralın 14-də deyib ki, Rusiya Kanada, Fransa, Almaniya, İtaliya, Yaponiya, Böyük Britaniya və ABŞ-dan ibarət “G7”-yə yenidən qəbul edilməlidir.
çap et