İran parlamentinin Təbrizdən seçilmiş millət vəkili və parlamentin Təhsil Komissiyasının sədri Əlirza Monadi dünən plenar iclasda ölkədə yaşayan etnik xalqların öz ana dilində tədris alması üçün təqdim olunan qanun layihəsinin qəbul edilməməsinə etiraz edərək deyib.Əlirza Monadi bildirib ki, bəzi millət vəkilləri sözügedən qanun layihəsinə qarşı çıxıblar. Onun sözlərinə görə, Novruz bayramından sonra bu məsələ yenidən müzakirəyə çıxarılacaq və bu dəfə müsbət səs əldə olunacaq.
***
Bu gün Təbrizin Səhənd stadionunda Güney Azərbaycanın qüruru Təbrizin “Traktor” komandası ilə İsfahanın “Sepahan” futbol klubu arasında keçiriləcək oyunda güneyli azarkeşlər milli şüarlarla çıxış ediblər:
“Türk dilində mədrəsə olmalıdır hər kəsə!”;
“Gəlin verək əl-ələ - Azərbaycan var olsun!”;
“Urmu, Zəngan, Ərdəbil – bu səs Təbrizdən gəlir!”
Qarşılaşma qolsuz bərabərliklə bitib. Qeyd edək ki, “Traktor” komandası 45 xalla liderdir. Onu 1 xal az fərqlə “Sepahan” izləyir.
çap et