Rusiyanın AŞPA-dakı nümayəndə heyətinin rəhbəri qurumu satqınlıqda günahlandırıb və baş verənləri siyasi fars, inkvizisiya adlandırıb.
Rusiyanın AŞPA-dakı nümayəndə heyətinin
rəhbəri Aleksey Puşkov , assambleyanı Rusiya nümayəndə heyətinin hüquqlarını
pozmaqda ittiham edib. Onun fikrincə, AŞPA, Rusiya nümayəndə heyətini ilin
sonunadək səsvermə hüququndan, rəhbər orqanların və müşahidə missiyasını
tərkibində iştirak etməkdən məhrum etməklə bağlı qətnamə qəbul etməklə öz
prinsiplərini satdı. Rusiya mətbuatının məlumatına görə, bu barədə A. Puşkov
brifinq zamanı bildirib.
«AŞPA-da əksəriyyət hüququn aliliyini,
insan hüquqlarının və qanunların aliliyini ayaqlar altına atdı. AŞPA-da
əksəriyyət Ukraynaya geosiyasi baxımdan özününküləşdirmək istəyən dövlətlər
qrupunun siyasi maraqlar adından çıxış etdi» - Puşkov deyib.
Puşkov qeyd edib ki, hazırda Rusiyanın
AŞPA-dan tamamilə kənarlaşması məsələsi bu məsələ edilir. O bildirib ki, bu
barədə yekun qərar artıq Moskvada qəbul olunacaq.
Qeyd edək ki, Rusiya nümayəndə heyətinin
rəhbərinin müavini Leonid Slutskiy Assambleyanı tərk etməyi vacib hesab etmir.
Onun sözlərinə görə, Rusiyanın öz fikrində qalmaq şansı var.
Slutskiy hesab edir ki, ölkəsinə qarşı
istənilən sanksiya əsassızdır.
AŞPA-nın monitorinq üzrə komissiyasının
rəhbəri Ştefan Ştennax Rusiyanın Assambleyadan tamamilə uzaqlaşdırılmasının
əleyhinə çıxış edir. Bir müddət əvvəl AŞPA Rusiyanın səlahiyyətlərinin tamamilə
əlindən alınmasına çağırmışdı.
Xatırladaq ki, AŞPA bu gün Rusiya ilə bağlı qətnamə qəbul edib: Rusiya Krımı qəbul etdiyinə görə, RF nümayəndə heyəti ilin sonuna kimi Assambleyada səsvermə hüququndan məhrum edilib və bütün rəhbər orqanların tərkibindən çıxarılıb. Sənədin lehinə 145, əleyhinə 21 deputat səs verib, 22 deputat isə bitərəf qalıb.
çap et