Çin rəsmilərinin Tramp administrasiyasının tarif tətbiqləri ilə bağlı ABŞ-la “hər cür müharibəyə hazırıq” ifadələrinə cavab olaraq ABŞ-ın müdafiə naziri Pit Heqset, ABŞ-ın da buna “hazır olduğunu”, – deyib.“Fox News”a danışan nazir Çinin Vaşinqtondakı səfirliyinin verdiyi açıqlama ilə bağlı sual verilib.
Heqset, ABŞ-ın “müharibə istəmədiyini”, lakin Çinlə mümkün müharibəyə “hazır olduqlarını” bildirdi.
“Sülh istəyənlər müharibəyə hazır olmalıdırlar. Biz hazırıq. Çin və ya hər hansı başqa ölkəyə qarşı çəkindirici olmaq istəyiriksə, güclü olmalıyıq”, – Heqset deyib.
ABŞ Prezidenti Donald Trampın sülhün güclə gəldiyini anladığını ifadə edən Heqset, “Buna görə də ordumuzu, döyüşçü prinsipləri əsasında çəkindirmə qüvvəsini yenidən qururuq. Çox fərqli ideologiyalara malik güclü, yüksələn ölkələrin olduğu təhlükəli bir dünyada yaşayırıq”, – deyib.
Dünən Trampın ölkəyə gələn fentanillə mübarizədə uğursuzluqlar səbəbiylə Çinə tətbiq edilən gömrük tarifini yüzdə 10-dan 20-yə yüksəltdikdən sonra sosial media platformasında Çinin Vaşinqtondakı səfirliyinin “X” hesabında açıqlama verilib.
“Əgər Birləşmiş Ştatlar həqiqətən də fentanil problemini həll etmək istəyirsə, onda ediləcək ən doğru şey Çinlə məsləhətləşmək, bir-biri ilə bərabər davranmaqdır. Əgər ABŞ-ın istədiyi müharibədirsə, istər tarif müharibəsi, istər ticarət müharibəsi, istərsə də hər hansı digər müharibə növü olsun, biz sona qədər mübarizə aparmağa hazırıq”, – bəyanatda deyilir.
çap et