Almaniyada məhkəmə çevriliş yolu ilə hökuməti devirməyə cəhddə təqsirli bilinən 5 ifrat sağçı üzvü həbsə məhkum edib. Müttəhimlər Almaniyanın keçmiş səhiyyə naziri Karl Lauterbaxi oğurlamağı planlaşdırırdılar. Onlar həmçinin ölkə daxilində elektrik enerjisinin kəsilməsinə səbəb olmaq niyyətində olublar.Qİyamçılar “Vereinte Patrioten” (Birləşmiş Vətənpərvərlər) adlı təşkilatın təsisçisi və ya üzvü olmaqda və Almaniya hökumətinə qarşı aksiyalar planlaşdırmaqda təqsirli biliniblər.
Cümə axşamı Koblenz Ali Regional Məhkəməsi 46 və 58 yaşları arasında olan dörd kişini beş il doqquz aydan səkkiz ilədək həbs cəzasına məhkum etdi.
Beşinci müttəhim 77 yaşlı qadın 2 il 10 ay müddətinə azadlıqdan məhrum edilib. Onların adları məxfilik səbəbi ilə açıqlanmayıb. Hökmlər 2023-cü ilin mayında başlayan məhkəmə prosesinin başa çatdığını göstərir.
Prokurorlar məhkəmə zamanı bildiriblər ki, müttəhimlərin Almaniyanın müharibədən sonrakı konstitusiyasının legitimliyini rədd edən Reichsbürger (Reich Citizens) hərəkatı ilə də əlaqələri var.
Müttəhimlərin dövlət çevrilişi planlaşdırdığına dair heç bir əlamət yox idi, lakin prokurorlar bildiriblər ki, qrup vasitəsilə silah və pul axını onları “planlarını həyata keçirmək niyyətində olan təhlükəli cinayətkarlar” kimi göstərib.
Ayrı bir işdə 25 nəfər 2022-ci ilin dekabrında yerli təşkilatın tərkibində hökuməti devirməyi planlaşdırmaqda ittiham edilərək həbs edilib. Müttəhimlər arasında ifrat sağçı Almaniya üçün Alternativ (AfD) partiyasının üzvü də olub.
Berlin illərdir sağ ekstremistlərin artan təhlükəsi barədə xəbərdarlıq edir və bu cür qruplara qarşı sərt tədbirlər görür.
çap et