ABŞ prezidenti Donald Tramp Ağ Evdə jurnalistlərin qarşısına çıxıb. Gündəmlə bağlı açıqlamalar verən Tramp, "Növbəti danışacağınız məsələ İran olacaq. İranla bağlı yaxın zamanda baş verəcək bəzi şeyləri eşidəcəksiniz. İranla son anlara gəldik. Qarşıda bizi maraqlı günlər gözləyir. Onların nüvə silahı ola bilməz. Nə olacağını görəcəyik. İnşallah sülh razılaşması əldə edə bilərik”, – deyib.Tramp nüvə məsələsi ilə bağlı İranın ali dini lideri Əli Xamneyiyə məktub göndərdiyini deyib. İran rəsmiləri məktubun hələ onlara çatmadığını bildiriblər.
İranın xarici işlər naziri Abbas Araqçı Donald Tramp administrasiyasının həyata keçirdiyi maksimum təzyiq siyasətinə işarə edərək, təzyiq altında danışıqlar aparmayacaqlarını bəyan edib.
***
Tramp İranla yanaşı Ukrayna məsələsi ilə bağlı da açıqlamalar verib. Ukrayna ilə danışıqların daha çətin olduğunu deyən Tramp Rusiyanın bu mövzuda daha asan ola biləcəyini, eyni zamanda Rusiyanın Ukraynaya hücumlarını xatırladıb.
"Mən Putinə güvənirəm. Bizim Rusiya ilə yaxşı münasibətlərimiz var. Amma hazırda Ukraynanı bombalayırlar. Açığı, Ukrayna ilə bağlı çətin günlərdəyəm”, – Tramp deyib.
çap et