İran dövlət televiziyasının məlumatına görə, paytaxt Tehranda 17 milyard dollar dəyərində enerji investisiya layihəsinin imzalanması mərasimində çıxış edən prezident Məsud Pezeşkian ölkənin enerji probleminə və bunun nəticəsində bir neçə ay əvvəl baş vermiş elektrik enerjisinin kəsilməsinə toxunub.Enerji sektorunda həddindən artıq və yersiz istehlakın cəmiyyətin təməl problemlərindən biri olduğunu bildirən Pezeşkiyan, “Həddindən artıq istehlakın qarşısını alaraq enerji sektorunda qıtlıq və balanssızlıqdan yaranan problemləri həll etməliyik və bunu xalqın iştirakı ilə mütləq edəcəyik”, – deyib.
Çətin qış dövrü keçirdiklərini ifadə edən Pezeşkiyan, “Bizim tankerlərdəki qaz ehtiyatları elektrik stansiyalarının tələbatını ödəməyə kifayət etmirdi. Təbii ki, Neft və Energetika Nazirliyindəki dəyərli həmkarlarımız böyük zəhmətlə hasilatı artırmaq və bu çətin dövrü bağlamaqla yol verilən nöqsanları aradan qaldıra bildilər və əhali qışda qazsız qalmadı. Elektrik kəsintilərinə görə ictimaiyyətdən bir daha üzr istəyirəm”, – deyib.
***
Pezeşkian ölkədə quraqlıq və həddindən artıq istehlak nəticəsində yaranan su qıtlığına da diqqət çəkərək, “Hazırda ciddi su böhranı yaşayırıq. Bundan düzgün istifadə etməsək, problemlər yaşayacağıq. Planlarımızı həyata keçirmək üçün optimal su istehlakı kampaniyasına ehtiyacımız var”, – deyib.
İranda davam edən quraqlıq səbəbindən bəndlərdə suyun səviyyəsinin aşağı düşdüyü bildirilib.
Tehranın Su İdarəsi martın 6-da verdiyi açıqlamada yay aylarında suyun kəsilməsinin qarşısını almaq üçün əhalini istehlakını 20 faiz azaltmağa çağırıb.
çap et