Sui-qəsdə cəhd zamanı prezident Donald Trampı qoruyan Şon Kurran ABŞ Məxfi xidmətinin direktoru kimi and içib. Prezident Tramp Ağ Evdə Kurranın andiçmə mərasimində iştirak edib.Tramp mərasimdəki çıxışında Kurranın böyük bir iş görəcəyini vurğulayaraq, “Sizi gözəl ailəsi olan qeyri-adi bir insan olaraq təbrik etmək istəyirəm”, – deyib.
“Kurran özünün ən mürəkkəb hadisələri üçün əməliyyat təhlükəsizlik planlarını idarə etməyə qadir olduğunu sübut etdi. O, Pensilvaniyadakı bir sui-qəsdçinin gülləsindən məni xilas etmək üçün öz həyatını riskə ataraq cəsarətini nümayiş etdirdi. Mən onun Məxfi xidməti həmişə olduğundan daha güclü edə biləcəyinə tam etibar edirəm”, – Tramp deyib.
***
13 iyul 2024-cü ildə Pensilvaniya ştatının Butler şəhərində mitinqdə tərəfdarları qarşısında çıxış edən Trampa silahla hücum edilmişdi. ABŞ Məxfi xidməti hücumçunun zərərsizləşdirildiyini açıqlaymışdı.
FTB hücumu sui-qəsd cəhdi kimi qiymətləndirdi və araşdırmalardan sonra hücuma cəhd edən və hadisə yerində öldürülən şəxsin 20 yaşlı Tomas Metyu Kruks olduğunu açıqladı.
Təşəbbüsün ardınca Məxfi xidmət “uğursuzluq və zəif ünsiyyət” üçün çoxlu tənqidlərlə üzləşdi.
çap et