Əvvəlki araşdırmalarda daha çox erkəklərdə rast gəlinən və boyu 3 metrə qədər uzana bilən bu buynuza bənzər dişlərin təkcə ov üçün deyil, həm də öz partnyorunu tapmaq üçün digərləri ilə rəqabətdə istifadə edildiyi bildirilmişdi.Lakin “Frontiers in Marine Science” jurnalında dərc edilən yeni araşdırmada elm adamları buynuz kimi dişlərin çox fərqli funksiyasını aşkar ediblər.
Kanadanın yüksək Arktika bölgəsindən çəkilmiş dron görüntülərinə görə, narvallar balıqlarla “dinamik, oynaq münasibətlər” yaratmaq üçün buynuza bənzər dişlərindən istifadə edirlər.
ABŞ-ın Florida Atlantik Universitetindən tədqiqatın aparıcı müəllifi Qreqori O'Korri-Krou, tapıntılar haqqında danışıb: “Bu heyvanların əslində balıqları ovlamadığını, əksinə kəşfiyyatçı olduqlarını, onlara rəhbərlik etdiklərini və onlarla qarşılıqlı əlaqədə olduqlarını görmək həqiqətən də oyun dəyişdirici idi”.
Tədqiqatçıların lentə aldığı videoda narvalların bir balığın arxasınca qaçdıqları, ancaq onu ovlamaq əvəzinə onunla oynadıqları görünür.
O'Korri-Krou, narvalların balıqlara hücum etmədiyinə işarə edərək, bir növ “siçan- pişik oyunu”nun oynandığını göstərir.
Oyun yaşamaq üçün vacib olan davranış bacarıqlarını inkişaf etdirmək üçün çox vacibdir. Lakin onların bu cür işlərlə məşğul olmaları bizə bu növlərin çox mürəkkəb və maraqlı həyatları olduğunu göstərir.
Alimlər qlobal istiləşmə ilə əlaqədar narvalların qidalanma vərdişlərinin də dəyişdiyini vurğulayırlar.
Tədqiqat, puffinlərin tez-tez narvallardan balıq oğurlamağa çalışdığını və ov nümunələrini pozduğunu müşahidə etdi. Alimlər bunun adətən nadir hallarda rast gəlinən bir davranış olduğunu qeyd edirlər.
O'Korri-Krou deyir ki, bu dəyişiklik narvalları böyük balıq sürülərini ovlamaq üçün okeanın dərinliklərinə getməyi məcbur edə bilər.
çap et