Putin Trampın sözlərinə fikir vermədən rahatca Ukraynada 30 günlük atəşkəs təklifinə “yox” dedi. Əlbəttə, bunun əsas səbəbi Trampın Rusiyaya özəl bağlılığı, onun Putin qarşısında gözükölgəliliyidir. Özünün davranışları bunu təsdiqləyir.
Digər səbəblərə gəlincə onları da Trampın 50-55 günlük hakimiyyətində yol verdiyi səhvlərdə axtarmaq lazımdır:
Qrenlandiyanı ilhaq etmək istəyirdi, baş tutmadı, adada iki gün əvvəl keçirilən səsvermədə bütün ümidlər boşa çıxdı;
Kanadanı 51-ci ştat elan edib, ticarət müharibəsinə başlayıb, amma Kanada sərt mövqe və adekvat tədbirlər nümayiş etdirdi;
Meksikaya qarşı da tədbirlərə başladı və dərhal geri çəkilməyə məcbur oldu;
Qəzzalıları öz yurd-yuvalarından Misirə, İordaniyaya köçürəcəyini bəyan elədi, dediyinə peşiman oldu;
Nəhayət, Ukraynanın üstünə cumub onu kapitulyasiyaya məcbur eləmək istədi, prezident Zelenski və Ukrayna xalqı onun qabağından qaçmadı və nəticədə Tramp geri çəkilməyə məcbur oldu.
Daxildə də hamıya hücum çəkir, məhkəmələr qərarlarını dondurur, etirazlar başlayıb, Amerika texnologiya nəhəngləri trilyonlarla dollar itirir və s. .
İndi belə bir adama Putin niyə hörmət eləməlidir, ondan niyə qorxmalıdır? Tramp Rusiyaya qarşı heç nə edə bilməz, o, çox tezliklə marginallaşıb, Amerika xalqının gözündən düşüb hakimiyyətdən bağıra-bağıra gedəcək.
çap et