Prezident Donald Tramp ABŞ hökuməti tərəfindən maliyyələşdirilən bəzi media orqanlarının, xüsusən “Amerikanın Səsi”nin (Voice of America – VOA) büdcəsinin və işçilərinin sayının azaldılması barədə göstəriş verib.
Donald Tramp tərəfindən ABŞ Qlobal Media Agentliyinə baş məsləhətçi təyin edilən Kari Leyk “X” sosial media platformasındakı hesabında “Amerikanın Səsi” ilə bağlı açıqlama verib.
Leyk bildirib ki, Tramp bu gün səhər ABŞ hökuməti tərəfindən maliyyələşdirilən “Amerikanın Səsi” və bəzi media qurumlarının büdcələrini və işçilərini ixtisar edəcək sərəncam imzalayıb.
Qərar Tramp tərəfindən cümə günü gecə, Konqres son maliyyə qanun layihəsini qəbul etdikdən az sonra qəbul edilib.
Sərəncamda “Amerikanın Səsi”, “Azad Avropa və Asiya” radiolarına ev sahibliyi edən ABŞ-ın Qlobal Media Agentliyinin və Kubaya ispan dilində xəbər lentləri təqdim edən “Radio Marti”nin funksiyalarını minimuma endirmək göstərişləri var.
Müvafiq olaraq, agentliyə tabe olan media qurumlarının büdcələrinin kəsiləcəyi, işçilərin sayının azaldılacağı bildirilib.
çap et