Türkiyə Prezident Ərdoğan ABŞ prezidenti Trampla telefonla danışıb. Görüşdə iki ölkə arasında ikitərəfli əlaqələr, regional və qlobal məsələlər, o cümlədən Suriya, terrorla mübarizə, “F-16” satınalma prosesi başda olmaqla bir çox mövzu müzakirə edilib. Prezident Ərdoğan ABŞ-dan yeni dövrdə Türkiyənin maraqlarını nəzərə alan bir anlayışla terrorla mübarizə ilə bağlı addımların gözlənildiyini bildirib.Prezident Ərdoğan görüşdə Türkiyə və ABŞ-ın iki müttəfiq olaraq yeni dövrdə əməkdaşlıqlarını həmrəylik, nəticə yönümlü və səmimi şəkildə inkişaf etdirəcəklərinə tam inandığını bildirib.
Prezident Ərdoğan regional və qlobal hadisələrin Türkiyə ilə ABŞ arasında bütün məsələlərdə məsləhətləşmələrin artırılmasını zəruri etdiyini, ABŞ Prezidenti Trampın Rusiya ilə Ukrayna arasındakı müharibəni sona çatdırmaq üçün atdığı qətiyyətli və birbaşa təşəbbüs addımlarını dəstəklədiklərini, Türkiyənin müharibənin əvvəlindən bəri ədalətli və davamlı sülh üçün səy göstərdiyini və bundan sonra da çalışacağını bildirib.
Prezident Ərdoğan görüş zamanı Suriyada sabitliyin bərpası, yeni administrasiyanın fəaliyyət göstərməsi və normallaşma üçün Suriyaya qarşı sanksiyaların aradan qaldırılmasına birgə töhfə vermələrinin vacib olduğunu və bunun suriyalıların vətənlərinə qayıtmasına imkan yaradacağını bildirib.
Prezident Ərdoğan ABŞ-dan yeni dövrdə terrorla mübarizə ilə bağlı Türkiyənin maraqlarını nəzərə alan bir anlayışla addımların gözlənildiyini, iki ölkə arasında müdafiə sənayesi sahəsində əməkdaşlığın inkişaf etdirilməsi üçün “CAATSA” sanksiyalarına son qoyulmasının, “F-16” satınalma prosesinin yekunlaşdırılmasının və Türkiyənin F-35 proqramında yenidən iştirakının yekunlaşdırılmasının vacibliyini bildirib.
çap et