Bu gün səhər saatlarında başlayan əməliyyatda Əkrəm İmamoğlu və bir sıra digər şəxslərin saxlanılmasının ardından ilk açıqlama İstanbul Böyükşəhər Bələdiyyəsindən (İBB) gəlib.“Şəhər konsensusu” və “korrupsiya” araşdırmaları nəticəsində həyata keçirildiyi deyilən əməliyyatın arından İBB-dən gələn açıqlamada, “Bu gün ölkəmiz və millətimiz üçün son dərəcə üzücü bir prosesə şahidlik edirik. Qanunun aliliyinə və demokratik iradəyə olan inancımız doğrultusunda, hadisələri diqqətlə izləyirik. Biz tam əminik ki, ədalət ən qısa zamanda bərpa olunacaq və bütün həmkarlarımız, xüsusən də sədrimiz öz vəzifələrinə qayıdacaqlar”.
Bu açıqlama Türkiyə İmamoğlunun yerinə mümkün müvəkkilin təyin edilib-edilməməsi ilə bağlı müzakirələr zamanı verilib.
Əməliyyatda Şişli Bələdiyyə sədri Rəsul Əkrem Şahan və Bəylikdüzü Bələdiyyə sədri Məhmət Murad Çalık da saxlanılıb.
İBB açıqlamasının davamı olaraq, “Bu prosesdə bizim ən əhəmiyyətli məsuliyyətimiz, indiyə qədər etdiyimiz kimi 16 milyon İstanbulluya fasiləsiz və keyfiyyətli xidmət göstərməyə davam etməkdir. Bütün həmkarlarımızla birlikdə vəzifəmizin başında olacağıq və eyni qətiyyətlə şəhərimizə qarşı məsuliyyətimizi davam etdirəcəyik. Hörmətlərimizi hər şeyin ən qısa zamanda daha yaxşı olacağına inanaraq təqdim edirik”.
çap et