ABŞ-ın ilk dəfə Çin neft emalı zavoduna qarşı sanksiyalar tətbiq etməsindən sonra neft üçüncü gün bahalaşıb. Bu addım İrandan tədarükün məhdudlaşdırılması üçün tədbirlərin əhəmiyyətli dərəcədə artmasını ifadə edir.Dünən (20 mart) Brent markalı neft 1,7 faiz bahalaşaraq bir barel üçün 72 dolları keçib, ABŞ xam nefti isə 69 dollardan aşağı satılıb. ABŞ İran neftini aldığı iddiası ilə Çinin kiçik neft emalı zavoduna və onun baş direktoruna sanksiya tətbiq edib. Bu, Tramp administrasiyasının Asiyada neft emalı sisteminə ilk müdaxiləsi idi.
“RBC Capital Markets LLC”dən Brayann Lisen və digər analitiklər qeydlərində “Sanksiyalar açıq şəkildə regionda fiziki neft axınları üçün artan riski təmsil edir, lakin bugünkü addımlar İranın Çinə qeyri-qanuni neft ticarətinə tam fiziki blok qoymağa kifayət etmir. Fiziki təsirlər məhdud olsa da, biz bu risk mükafatını daha ciddi qəbul etməyi məqsədəuyğun hesab edirik”.
Xam neft yanvarın ortalarından bəri ən böyük həftəlik qazancını əldə etmək yolundadır. Bununla belə, qlobal ticarət müharibəsinin eskalasiyası və gələn aydan daha çox OPEC+ tədarükünün gəlməsi ehtimalı kimi mənfi amillər artımı məhdudlaşdırır.
OPEC-in saytında yer alan açıqlamaya görə, quruma üzv olan bir neçə ölkə kvota aşmasını kompensasiya etmək üçün əlavə ixtisar etməyə söz verib. Qazaxıstan, İraq və Rusiya kimi ölkələrin ixtisarları nəzəri olaraq ilin sonuna qədər dayandırılan hasilatın yenidən başlaması planlarını kompensasiya etməlidir.
çap et