ABŞ prezidenti Tramp Ağ Evdə keçirilən imza mərasimində ABŞ ictimaiyyəti üçün tarixi bir addım atıb. Donald Tramp Təhsil Departamentinin bağlanması haqqında fərman imzalayaraq, departamentin tamamilə ləğv ediləcəyini və təhsilin idarəçiliyinin ştatlara veriləcəyini açıqlayıb.Tramp 1980-ci ildə yaradılan departamentinin imzaladığı sərəncamla tamamilə ləğv ediləcəyini bildirib.
“Bu gün mən federal Təhsil Nazirliyinin tamamilə ləğvi haqqında fərman imzalayacağam. Bu, 45 ildir davam edən tarixi addımdır”, – deyən Tramp həm respublikaçıların, həm də bir çox demokratların bu addımı dəstəklədiyini bildirib.
Federal təhsil departamentinə ehtiyac olmadığını müdafiə edən Tramp, “Biz indi təhsil idarəsini aid olduğu yerə – ştatlara qaytaracağıq”, – deyib.
ABŞ-ın təhsil sahəsində olması lazım olan yerdə olmadığını və bununla bağlı görüləcək çox iş olduğunu izah edən Tramp, artıq ştat hökumətlərinin təhsil sahəsində əsas elementlər olduğunu qeyd edib.
“Birləşmiş Ştatlar təhsilə indiyə qədər hər hansı digər ölkədən daha çox pul xərcləyir, lakin biz nailiyyət baxımından hələ də siyahının sonunda yer alırıq. Təhsil Departamentini bağlamaq üçün bütün qanuni addımları atacağıq, lakin ehtiyacı olan və ya əlilliyi olan uşaqlarımız üçün bəzi proqramları qoruyub saxlayacağıq”, – Tramp deyib.
Ağ Ev sözçüsü Karolin Livitt də məsələ ilə bağlı açıqlamasında Təhsil Departamentinin addım-addım bağlanılacağını və Konqresin bununla bağlı lazımi hüquqi addımları atması lazım olduğunu bildirib.
çap et