20 martda Şimali Dakota məhkəməsi “Greenpeace” fəallarına qarşı taleyüklü qərar çıxartdı. Onlar 2016-cı ildə neft kəmərinin tikintisinə qarşı keçirilən irimiqyaslı etirazlar zamanı iqtisadi zərər vurmaqda təqsirli bilindilər.Söhbət Şimali Dakotadan İllinoysa şist neftinin nəqlinə imkan verən 1,8 min kilometr uzunluğunda “Dakota Access Pipeline” layihəsindən gedir. Boru kəməri sutkada yarım milyon barelə qədər neft daşıyır. Boru kəmərinin tikintisi marşrutu boyunca çadır şəhərcikləri quran yaşıl fəalların sonsuz etirazları səbəbindən layihə bir neçə il ərzində tamamlana bilmədi.
“Greenpeace”ə qarşı başlanan və illərlə çəkən məhkəmə prosesi, nəhayət ki, onun böyük səs-küyə səbəb olan uduzması ilə başa çatdı. İndi “Greenpeace” təşkilatı 660 milyon dollar təzminat ödəməlidir. Təşkilatın bu qədər pulu yoxdur. 2023-cü ildə o yalnız 30 milyon dollar ianə alıb.
USAID ləğv edildiyindən “yaşıl” aksiyalar üçün artıq qrant yoxdur. Tramp komandası həmçinin aşkar etmişdi ki, Ağ Evi tərk etməzdən əvvəl demokratlar “yaşıl” təşkilatlardan olan dostlarına 20 milyard dollar ayırıblar. İndi banklardan həmin pulları dondurmaq tələb olunub – respublikaçılar onları müsadirə edəcəklər.
Belə çıxır ki, “Greenpeace” özünü müflis elan etməli və təşkilat ləğv edilməlidir.
Beləliklə, qlobalistlərin daha bir “yumşaq gücü” tarixə qovuşur. “Greenpeace”in əli ilə qlobalistlər bütün dünyada özlərinə sərf etməyən çox layihələrə mane olurdular.
Göründüyü kimi, hökumətin dəstəyi olmadan heç bir ictimai hərəkat böyük siyasi “səhnəyə” çıxa bilməz. Çünki bunun üçün böyük pul lazımdır. Böyük pul isə böyük siyasi dəstək tələb edir.
çap et