Avropanın geosiyasi qütb olması məqsədilə hərbi-iqtisadi konsolidasiyaya start verilərək “ReArm Europe” adlı plan qəbul olunub. Söhbət, Avropanın faktiki olaraq hərbi iqtisadiyyata keçiddən və yeni hərbi-siyasi konsepsiyanın qəbulundan gedir.“ReArm Europe” planı Avropanın müdafiəsinə 100 milyardlarla avronun ayrılmasını nəzərdə tutur və bu pulların ayrılması üçün bu istiqamətlər prioritetdə olacaq:
– Vahid, çox mərhələli HHM sisteminin qurulması. Bu sistem, Avropanın pilotsuz uçuş aparatlarından (PUA) və fərqli tipli raketlərdən (balistika, hipersəs və s) müdafiəsini təmin edəcək.
– Artilleriya. Kütləvi şəkildə ən müasir artilleriya (reaktiv yaylım atəş sistemləri) qurğularının istehsalı nəzərdə tutulur.
– Sursatlar. Müharibə göstərdi ki, Qərb hərbi sənaye kompleksinin artilleriya üçün sursatların çatışmazlığı problemi var. Bu problemin aradan qaldırılması planlaşdırılır. Avropa Hərbi Sənaye Kompleksi “non-stop” rejimində sursatların istehsalı gücləri artıracaq, kütləvi şəkildə zavodlar tikiləcək.
– Müharibə göstərdi ki, müasir hərbi əməliyyatlarda hava üstünlüyü çox böyük rol oynayır və söhbət ilk növbədə PUA-lardan gedir. “EuArm Europe” Avropada müasir PUA-ların kütləvi istehsalını təmin edəcək.
– İnfrastruktur. Avropa ərazisində bir çox silah-sursat habların qurulması və hərbi qüvvələrin sürətli yerdəyişməsini təmin edən loqistikanın qurulması hazırlanır.
– Kibertəhlükəsizlik, süni intellekt, radio elektron mübarizə texnologiyaların və s. inkişafına böyük pullar ayrılacaq.
Ukrayna bu hərbi-iqtisadi konsolidasiyanın nəinki tərkibindədir, düz ortasındandır. Bu fakt Ukraynanı Qərb dünyasının, Avropanın ayrılmaz hissəsinə çevriləcək və bununla, Putinin xəyallarını (Ukraynanın Rusiyanın geosiyasi təsirinə qayıtması nəzərdə tutulur) ürəyində saxlayacaq.
çap et