Ötən həftə Los-Ancelesdən Şanxaya uçan “United Airlines”a məxsus “Boeing 787” təyyarəsi pilotlardan birinin pasportsuz havaya qalxdığı aşkar edildikdən sonra sonu geri qayıtmaq məcburiyyətində qalıb. CNN İnternational xəbər verib ki, aviaşirkət hadisəni onlara təsdiqləyib. Xəbəri mediaya ilə paylaşan Yanq Şuhan Los-Ancelesdən havaya qalxan və iki saat sonra geri qayıdan “United Airlines” “Boeing 787”nin sərnişinlərindən biri olub.
***
“UA 198” saylı reysi 22 mart şənbə günü yerli vaxtla saat 14:00 radələrində Los-Anceles Beynəlxalq Hava Limanından (LAX) göyərtəsində 257 sərnişin və 13 ekipaj üzvü ilə Sakit Okeanın şimal-qərbinə, Çinin ən böyük şəhərinə doğru yola düşüb.
“FlightAware” saytına görə, təxminən iki saat sonra təyyarə geri dönərək San-Fransiskoya istiqamət alıb və yerli vaxtla saat 17:00 radələrində yerə enib.
"Yunayted"in bəyanatında deyilir: "Pilotun yanında pasportu olmayıb. Biz elə həmin axşam müştərilərimizi təyinat yerlərinə çatdırmaq üçün yeni heyət təşkil etdik. Sərnişinlərə yemək kuponları və kompensasiyalar təqdim etdik”.
Yeni heyətlə təyyarə axşam saat 9 radələrində yenidən havaya qalxaraq Şanxaya planlaşdırılan vaxtdan təxminən altı saat gec çatıb.
***
Təyyarədə olan çinli sərnişin Yang Şuhan CNN-ə bildirib ki, pilot elan zamanı çox qəzəbli tonda danışıb və pasportunu unutduğunu deyib. San-Fransiskoya endikdən sonra Yanq ümumi dəyəri 30 dollar olan iki yemək çeki aldı və onları hava limanındakı Yapon restoranında yemək üçün istifadə etdi. O, həmçinin “United Airlines”in saytında təzminat iddiası qaldıra biləcəyini və 14 iş günü ərzində cavab alacağını öyrəndiyini bildirib.
Çinin şərqindəki Hançjou şəhərindən olan Yanq işgüzar səfərdən qayıdırmış. Bazar ertəsi saat 00:43-də Şanxaya çatanda onu hələ iki saat yarımlıq bir yol gözləyirmiş və buna görə özünü çox yorğun hiss etdiyini deyib.
Gözlənilməz gecikmə bazar ertəsi iş planlarını pozsa da, Yanq pilotun dürüstlüyünü yüksək qiymətləndirdiyini deyib. Lakin o, əlavə edib ki, bir çox digər sərnişinlər Çinin “Instagram”a bənzər platforması olan “RedNote”da qəzəbli şərhlər yazıb.
Sərnişinlərdən biri soruşub ki, insan öz işində necə belə böyük səhvə yol verə bilər? Bu sərnişinin paylaşımı 10 mindən çox bəyənmə toplayıb.