Almaniyada keçirilən ictimai rəy sorğusuna görə, ifrat sağçı Almaniya üçün Alternativ (AfD) partiyasının səs payı 23,5 faizə yüksəlib.İctimai rəyi araşdıran INSA şirkəti tərəfindən aparılan sorğunun nəticələrinə görə, Xristian Birlik Partiyaları (CDU/CSU) yüzdə 27, AfD 23,5 faiz, Sosial Demokrat Partiyası (SPD) yüzdə 14,5, Yaşıllar 12 faiz, Sol Partiya isə 10,5 faiz səs toplayıb.
Bu nəticə o deməkdir ki, AfD CDU/CSU ilə fərqini cəmi 3,5 faiz bəndinə qədər daraldıb.
INSA-nın prezidenti Herman Binkert Bild qəzetinə, “Bu, INSA sorğusunda AfD üçün indiyə qədər ölçülən ən yüksək göstəricidir”, – deyib.
CDU/CSU-nun yüzdə 27 səsinin 6 balının CSU-dan gəldiyinə diqqət çəkən Binkert, “AfD hazırda yüzdə 23,5 səviyyəsindədir. Xristian Demokrat Birlik (CDU) və Xristian Sosial Birlik (CSU) ayrı-ayrılıqda baxsanız, (AfD) CDU-dan yüzdə 2,21 daha güclüdür”, – deyib.
INSA prezidenti, həmçinin AfD-nin potensial təhlildə maksimum 30,5 faiz seçici potensialına malik ola biləcəyini söyləyib.
Almaniyada fevralın 23-də keçirilən ümumi seçkilərdə CDU/CSU 28,5 faiz, AfD 20,8 faiz, SPD yüzdə 16,4, Yaşıllar 11,6 faiz, Sol Partiya isə 8,8 faiz səs toplayıb.
Sahra Vaqenknext Anlaşma və Ədalət Alyansı (BSW) və Azad Demokrat Partiyası 5 faizlik seçki baryerini keçə bilməyərək Bundestaqdan kənarda qalıb.
çap et