Avropa Birliyinə (AB) üzv dövlətlər xalqdan kritik ləvazimat ehtiyatlarını artırmağa və fövqəladə hallar zamanı xalqı ən azı 72 saatlıq təchizat yığmağa çağırış edib.AB Komissiyası təbii fəlakətlər, müharibələr və ya geosiyasi böhranlar kimi mürəkkəb təhdid və çağırışlara qarşı yeni hazırlıq strategiyasını ictimaiyyətlə bölüşüb. Strategiyaya görə, Avropa böhranlara daha yaxşı hazır olacaq.
Böhran dövründə əsas sosial xidmətlərin davam etdirilməsi təmin ediləcək. Bu kontekstdə xəstəxanalar, məktəblər, nəqliyyat və telekommunikasiya kimi əsas xidmətlər üçün minimum hazırlıq meyarları hazırlanacaq.
Üzv ölkələrdə su da daxil olmaqla kritik avadanlıq və təchizat ehtiyatları artırılacaq.
İctimaiyyət fövqəladə hallara daha yaxşı hazırlanacaq. Bu çərçivədə, əhali fövqəladə vəziyyətdə ən az 72 saat davam edəcək əsas vəsaitləri və ehtiyacları daşımağa təşviq ediləcək. Hazırlanmaq üçün nə etməli olduğuna dair dərslər məktəb proqramına daxil ediləcək və fövqəladə hallara qarşı hazırlığa start veriləcək.
Böhranlara cavab olaraq koordinasiya təkmilləşdiriləcək.
AB-nin mövcud böhran strukturları arasında inteqrasiyanı təkmilləşdirmək üçün AB-nin Böhran Mərkəzi yaradılacaq.
AB üzrə mülki və hərbi əməkdaşlıq gücləndiriləcək, silahlı qüvvələr, mülki müdafiə, polis, səhiyyə işçiləri və yanğınsöndürənləri bir araya gətirən mütəmadi hazırlıq təlimləri keçiriləcək.
Təbii fəlakətlər və ya hibrid təhdidlər kimi böhranların qarşısını almaq üçün hərtərəfli risk və təhlükənin qiymətləndirilməsi hazırlanacaq.
Əsas materialların, malların və xidmətlərin sürətli əlçatanlığını təmin etmək və kritik istehsal xətlərini təmin etmək üçün müəssisələr üçün fövqəladə hallar protokolları hazırlanacaq.
çap et