Danimarkadan olan tədqiqatçılar, eyni zamanda, enerji istehsal edərkən işığın keçməsinə imkan verən yeni pəncərələrdən istifadə edərək günəş işığını elektrik enerjisinə çevirmək səmərəliliyinə görə yeni dünya rekordu əldə ediblər.
Şəffaf günəş batareyası texnologiyası göydələnləri və ofisləri elektrik stansiyalarına çevirərək və onların pəncərələrini günəş panelləri kimi istifadə etməklə bərpa olunan enerji üçün sıçrayış təmin edə bilər.
“CitySolar” layihəsinin innovasiyası Avropanın bütün yeni binaları 2050-ci ilə qədər demək olar ki, sıfır enerjiyə məsrəfinə və Avropa tikinti sektorunu tamamilə karbonsuzlaşdırmaq məqsədlərinə çatmasına kömək edə bilər. Cənubi Danimarka Universitetinin tədqiqatçıları Üzvi günəş batareyalarını perovskit materialı ilə birləşdirərək, 12,3 faiz səmərəliliyə nail olublar ki, bu da günəş batareyalarının qazancına bərabərdir.
Beynəlxalq komanda panellərin də 30 faiz şəffaflığının olduğunu deyir.
İndiyə qədər şəffaf günəş pəncərələri bir binanın ehtiyac duyduğu elektrik enerjisini istehsal etmək üçün kifayət qədər enerji qəbul edə bilmirdi və panellər keçmişdə istifadə ediləcək qədər şəffaf deyildi.
Bildirilir ki, “CitySolar” layihəsi artıq bu problemlərin öhdəsindən gəlib.
İxtiranın arxasında duran əsas tədqiqatçılardan biri, Cənubi Danimarka Universitetinin professoru Morten Madsen, “Şəffaf günəş batareyaları inteqrasiya olunmuş enerji həllərinin yaradılmasında növbəti böyük addım ola bilər”, – deyib.
“Müasir ofis binalarında istifadə olunan böyük şüşə fasadlar artıq əlavə yer və ya xüsusi struktur dəyişiklikləri tələb etmədən enerji istehsalı üçün istifadə oluna bilər... Bu, böyük bir qazanc fürsətidir”.
Madsen həmçinin qeyd edib ki, istifadə olunan iki material olduqca münasibdir və kommersiya tətbiqi üçün genişləndirilə bilər.
“Tandem günəş elementi enerjini əsasən günəş şüalarının görünən işıqdan deyil, infraqırmızı və ultrabənövşəyi hissələrindən toplayır. Bu, bizə yarı şəffaf günəş pəncərələri üçün yeni səmərəlilik standartlarını təyin etməyə imkan verir”, – tədqiqatçı deyib.
Bu, görünən spektrdən işığın keçməsinə imkan verir, eyni zamanda görünən spektrə nisbətən toxunulmaz qalır.
Madsen görə, hər iki material kifayət qədər münasibdir və bu, onları kommersiya miqyaslı yerləşdirmə üçün əlverişli texnologiya halına gətirir.
Professor Madsen deyir: “Tədqiqatda hələ də təkmilləşdirmə üçün imkan var, lakin ən başlıcası, problemlərin harada olduğunu bilirik və onların aradan qaldırılması üçün aydın strategiyamız var”.
“Əlimizdə olanı inkişaf etdirə bilərik, amma biznes tərəfdaşlarına ehtiyacımız var”.
Layihə hazırda Texnologiyaya Hazırlıq Səviyyəsindədir (TRL), yəni konsepsiyanın sübutu və prototip mərhələləri arasındadır.
AB-dən təxminən 4 milyon avro maliyyə alan komanda hazırda şəffaf günəş panellərinin istehsalını artırmaq üçün sənaye tərəfdaşları ilə danışıqlar aparır.
çap et