ABŞ-ın iki ştatının FED prezidentləri nəqliyyat vasitələrinə tətbiq edilən tariflərin ölkə iqtisadiyyatına təsirləri ilə bağlı açıqlamalar verib.“Richmond FED” prezidenti Tom Barkin, Tramp administrasiyasının idxal olunan avtomobillərə tətbiq etdiyi 25 faizlik tarifin tam dəyərinin istehlakçılara keçəcəyini düşünmədiyini söyləyib. Lakin o vurğulayıb ki, şirkətlər qiymət və mənfəət marjaları ilə bağlı sərt qərarlar qəbul etməli olacaqlar.
Rəqabətin əsas amil olduğunu qeyd edən Barkin, “Mənim hisslərim odur ki, istehlakçılar bu verginin tam yükü ilə birbaşa vurulmayacaq”, – deyib.
“Şirkətlər bu xərcləri istehlakçıya ötürəcəklərmi, mənfəət marjalarını azaldacaqlarmı, prosesdə başqa yerlərdə xərcləri azaldacaqmı sualı ilə üzləşməli olacaqlar”.
Barkin həmçinin qeyd edib ki, valyuta məzənnələri və digər tənzimləmələr də qiymətlərin formalaşmasında rol oynaya bilər.
***
“Boston FED”in prezidenti Suzan Kollins, Tramp administrasiyasının tariflərinin ABŞ inflyasiyasını artıracağını söylədi, lakin təsirin nə qədər davam edəcəyi bəlli deyil.
Kollins Bostonda keçirilən tədbirdə “Tariflərin yaxın müddətdə inflyasiyanı artıracağı qaçılmaz görünür”, – deyib. Lakin hələlik, artımın qısa müddətli olma ehtimalının daha yüksək olduğunu söyləyib.
Uzunmüddətli inflyasiya təzyiqləri riskinin hələ də mövcud olduğunu bildirən Kollins, qiymətlərin nə dərəcədə təsirlənəcəyinin böyük ölçüdə tariflərdən təsirlənən ölkələrin reaksiyalarından və gördüyü tədbirlərdən asılı olacağını bildirib.
çap et