ABŞ və Avarop Birliyi (AB) arasında münasibətlərin kövrəkləşdiyi bir vaxtda İtaliyanın baş naziri Corca Meloni Tramp administrasiyası dövründə Avropa və Vaşinqton arasında vasitəçilik rolunu öz üzərinə götürməyə hazır olduğunu açıqlayıb. Meloni “The Financial Times”a verdiyi müsahibədə münasibətlərin bərpasının hər kəsin xeyrinə olduğunu deyib və böhranı fürsətə çevirməyə çağırıb. Ancaq Avropanın təhlükəsizlik arxitekturası, Ukraynaya veriləcək zəmanətlər, ABŞ-ın Rusiyaya qarşı siyasətindəki qeyri-müəyyənliklər bu rola ciddi maneələr yaradır.İtaliyanın baş naziri bildirib ki, Avropa ilə ABŞ arasında əlaqələrin zəiflədiyi bir vaxtda o, iki tərəf arasında körpülər qurmağa hazırdır.
ABŞ prezidenti Donald Trampın andiçmə mərasimində iştirak edən yeganə Avropa lideri olan Meloni “The Financial Times”a verdiyi müsahibədə “münasibətlərin düzəldilməsi hamının marağındadır”, – deyib.
Meloninin açıqlamaları İkinci Dünya müharibəsindən sonra Avropa ilə ABŞ arasında münasibətlərin ən gərgin dövrlərindən birinə təsadüf edir.
Vaşinqtonun AB məhsullarına ticarət məhdudiyyətləri qoyması və ABŞ Müdafiə Nazirinin Avropa müttəfiqlərini “azad atlılar” kimi ittiham etməsi gərginliyi daha da artırıb.
Avropa ölkələri özlərinin Amerikanın müdafiə sənayesindən asılılığını şübhə altına aldıqca, Meloni daha optimist bir tona keçib: "Böhran həmişə bir fürsət yaradır”.
Meloni Fransadan və İngiltərənin müharibədən sonra Ukraynaya “zəmanət qüvvəsi” göndərmək təklifindən uzaqlaşaraq, Moskvanın bunu təhlükə kimi görə biləcəyini deyib.
“Biz bu barədə diqqətli olmalıyıq”, – dedi. Əvvəllər bu məsələdə Parislə toqquşan Meloni mövqeyi Ukrayna məsələsində vahid mövqe tutmağa çalışan Avropada daha bir böyük ixtilaf yaradıb.
***
Xarici siyasət şərhçiləri bu yanaşmanı İtaliyanın NATO-nun zəiflədiyini etiraf etməmək üçün hiyləsi kimi qiymətləndirirlər.
“Foreign Affairs” bunu Meloninin sağ mərkəzdən uzaqlaşaraq ifrat sağçı köklərinə qayıtması kimi təsvir edir.
Meloninin “Trampı başa düşə bilən yeganə Avropa lideri” imicinə Trampın transatlantik tarazlığı destabilləşdirməsi etiraz edib. Almaniya və Fransa Avropa Birliyində yeni liderliyini öz üzərinə götürməyə çalışır.
“Meloninin hazırda Trampla vasitəçilik etmək səlahiyyəti yoxdur”, – italiyalı siyasi ekspert deyib. Trampın Rusiya ilə yaxınlaşma siqnallarında açıq şəkildə Ukraynaya dəstək verən Meloni diplomatik tarazlıq axtarmağa çalışır.
“The Telegraph” yazır ki, Meloni Moskvaya yaxınlaşan Ağ Evlə münasibətləri qorumağa, eyni zamanda Avropa Birliyi daxilində əsas fiqur olaraq qalmağa çalışır. “The Economist” iddia etdi ki, Tramp Meloni üçün “ciddi başağrısı ola bilər”.
çap et