ABŞ prezidenti Donald Tramp ölkədə investisiyaları sürətləndirmək üçün yeni ofis yaradılması haqqında fərman imzalayıb. Ağ Evdən verilən açıqlamada sözügedən ofisin ABŞ Ticarət Nazirliyinin nəzdində fəaliyyət göstərəcəyi bildirilib. Bəyanatda ofisin 1 milyard dollardan çox investisiyaları asanlaşdırmaq və sürətləndirmək üçün yaradılacağı bildirilir.Yeni ofis tənzimləyici yükləri azaldacaq, icazə vermə proseslərini sürətləndirəcək, investor məsələlərində müxtəlif qurumlar arasında koordinasiyanı təmin edəcək, milli resurslara çıxışı artıracaq, milli laboratoriyalarla əməkdaşlığı asanlaşdıracaq və şirkətləri ABŞ-da böyük investisiyalar etməyə təşviq etmək üçün əyalət hökumətləri və iqtisadi inkişaf təşkilatları ilə işləyəcək vergi ödəyiciləri üçün daha sərfəli sazişlər üzrə danışıqlar aparmaqla əvvəlki administrasiyadan “daha yaxşı” müqavilələr təmin edəcək.
Açıqlamada ofisin prosesləri daha səmərəli hala gətirərək yerli və xarici investisiyaları cəlb edəcəyi, ABŞ-ı irimiqyaslı investisiyalar üçün ən cəlbedici məkana çevirəcəyi vurğulanıb.
çap et